Jeremiah 3:6 - Tedim Bible Revision 2017

⁶ Kumpi Josiah in a uk laitakin Topa in kei hong hopih a, “A zulhzau Israel, mual sang tung khempeuh ah pai-in sing liim nuai khempeuh ah numei paktat bangin a om kawikawina na mu khinzo hiam?

Tedim Bible

⁶ Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Jeremiah 3:6 Referans Kwoze

Ezekiel 23:11

“A naunu Oholibah in hih thu thei napi-in, a unu Oholah sangin zong a sia zaw, a suk zaw-in paktat lai hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuh ah biakna a pia uh hi. Meihal biakna a piakna uh le tui phih biakna a piaknate uh tawh kei hong hehsak uh hi.

Ezekiel 16:31

Kongzing citeng ah milim biakna ding mun na bawl a, paktatna na gamta hi. Ahi zongin numei paktat dangte bangin sum a ngah zong na hi kei hi.

Jeremiah 17:2

A tate un singniim nuai khempeuh le mual sangteʼ tunga a biakna taute uh le a nusian uh Asherah milimte phawk veve uh a,

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Isaiah 57:7

A lian a sang mual tungah nulepa mawhna na bawl uh a, tua munah biakna pia dingin na pai to uh hi.

1 KUMPI MASATE 14:23

Bang hang hiam cih leh amaute in amau adingin mual tunga biaknate, biakna songte le mual sang tung khempeuh le singniim nuai khempeuh ah Asherah milimte bawl uh a,

2 KHANG TANGTHU NIHNATE 34:1

Josiah in uk ding a kipatin kum giat pha a, amah in Jerusalem ah kum sawm thum le khat sung uk hi.

Jeremiah 1:2

Amonʼ tapa Josiah, Judah gamah kumpi a suah zawh kum sawm le kum thum a cin kumin ‘Topa in Jeremiah a hopih hi.

Jeremiah 5:11

Israel minamte le Judah minamte, Topa in ka cih in ah, keiʼ tungah hong thuman nawn het lo uh hi.

Jeremiah 11:10

Ka thu a ngai nuam lo a pu a pate uhʼ mawhna lamah kilehhei khinzo uh a, pasian dangteʼ na a sem dingin a zui khinzo uh hi. Israel mite le Judah mite in a pu a pate uh tawh ka bawl sa uh thuciamna a palsat khinzo uh hi.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a hon zo hi,” a ci hi.

Ezekiel 23:4

A unuʼ min Oholah hi a, Samaria khuapi tawh kibang a cihnopna ahi hi. A naunuʼ min Oholibah hi a, Jerusalem khuapi tawh kibang a cihnopna ahi hi. Hih numei nihte ka teenpih a, a nihun kei tawh ta nei uh hi.

Hosea 4:13

Amaute in mual sangte dawna biakna munte ah biakna pia uh a, a nuai liim hoih ahih manin mual neute tungah a po tawsaw kung, poplar kung le terebinth kungte nuai ah paknamtui halin a bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.

Thukhente 2:17

Ahi zongin amaute in a thukhente uh thu ngai lo uh hi. Bang hang hiam cih leh amaute in pasian dangte bia-in tuateʼ mai ah kun uh hi. Topaʼ thupiakna a mang amauʼ pute pateʼ tot lampi panin amaute pial pah uh a, amaute in Topaʼ thu mang lo uh hi.

Late 106:39

Tua ahih ciangin amauʼ sepna tawh amaute a nin suak uh a, amauʼ gamtatnate tawh palhngulhna a bawl uh hi.

Isaiah 57:3

No, ai san numeiteʼ tapate, numei tawh a mawh mite le numei pangtatteʼ tuletate aw, hih lai ah hong pai un.

Ezekiel 16:35

“Tua ahih ciangin a paktat Jerusalem aw, Topaʼ thu ngai in.