Jeremiah 3:21 - Tedim Bible Revision 2017

²¹ Mual tung panin awging khat hong kiza a, Israel miteʼ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Tedim Bible

²¹ Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Jeremiah 3:21 Referans Kwoze

2 KORIN NIHNA 7:10

Tua na dahna uh hotkhiatna ngah theih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pikik ding hi. Tui omna lui gei ah amaute ka paipihkik dinga, lam nuamah paipihin a tuk kei ding uh hi. Bang hang hiam cih leh Israel miteʼ pa ka hi a, Efraim, ka ta upa pen ahi hi.

Jeremiah 3:2

Khuadak inla mual sang dawnte en dih in. Hong kilup khop pih lohna mun koi laitak ah om ahi hiam? Arab mite in a suam dingun gamlak ah mi a ngak uh bangin lam gei ah tu-in na luppih ding mi na ngak hi. Na paktatna le na gitlohna tawh hih gam na ninsak zo hi.

Jeremiah 2:32

Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in sim zawh loh ni tampi sung a hong mangngilh uh hi.

Isaiah 17:10

Nomau hong hon khia Pasian note in mangngilhin, nomauʼ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Isaiah 15:2

A sangna munte ah a kap dingin Dibon khua mite pai to uh hi. Nebo le Medeba khuateʼ hangin Moab mite nakpi takin kap uh hi. Dahna limin lu khempeuh kimettol a, khamul khempeuh zong kimetmai hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.

Ezekiel 7:16

Vakhu lau bangin mi pawl khatte in mual tung tuh ding uh a, ahi zongin amauʼ mawhna hangin si veve ding uh hi.

Paunak 19:3

Mi pawl khat in amauʼ hai tatna hangin gimna a ngah hi napi-in Topa ngawhin mawk heh uh hi.

Paunak 10:9

Thuman mite lungnuamin om hithiat a, thuman lote kiman hi.

JOB (Job) 33:27

Tua ciangin amah in mihonpiteʼ zakna ah, ‘Kei ka khial khin hi. A manin ka gamta kei a, ahi zongin Pasian in kei hong suaktasak hi.

Gamlak-vakna 22:32

Topaʼ vantungmi in ama kiangah, “Bang hangin na la thum vei dong sat na hi hiam? En in, hih na khualzinna ah lungkim lo ka hih manin nang hong pang dingin kong kuan khia hi.

Isaiah 57:11

Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sau veipi sung pau loin ka om hithiat manin kei hong zahtak lo na hi hiam?

Jeremiah 7:29

“Jerusalem mite aw, na lu uh mettol un. Na sam uh paai mang unla, mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khinzo hi.

Jeremiah 12:12

Sehnel gam mual sang panin a susia dingte hong pai zo uh hi. Gam mong khat panin gam mong khat dongah a lungmuang kuamah om lo hi. Bang hang hiam cih leh Topaʼ namsau in mi khempeuh a vattuk hi.

Jeremiah 13:25

Hih pen nangma ngah dingin ka hong sehsak ahi hi, Topa in kong ci hi. Bang hang hiam cih leh kei na hong mangngilh a, pasian zuau peuh na um hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.