Jeremiah 3:19 - Tedim Bible Revision 2017

¹⁹ “‘Israel aw, ka tapa bangin nang hong bawlin, gam khempeuh lakah a hoih pen gam nopci mahmah khat nang hong pia ning, ci-in ka ngaihsun hi.

Tedim Bible

¹⁹ “‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Jeremiah 3:19 Referans Kwoze

Jeremiah 3:4

“Tumahin kei nong sam a, ‘Ka pa aw, ka neu lai pek pan ka lawm na hi hi

Jeremiah 31:9

Amaute a kap kawmin hong pai ding uh a, keimah in hehnemin amaute ka pikik ding hi. Tui omna lui gei ah amaute ka paipihkik dinga, lam nuamah paipihin a tuk kei ding uh hi. Bang hang hiam cih leh Israel miteʼ pa ka hi a, Efraim, ka ta upa pen ahi hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen koteʼ Pa na hi hi. Topa aw, nang pen koteʼ Pa na hi a, nangmah in tanglai pek pan kote a hong hon khia pa na hi hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Efesa 1:5

Pasian in Jesu Khris hangin ama mite ahi dingin eite a hong bawl ding a seh kholh sa hi a, tua bangin a hong bawl ding pen ama tupna le a utna ahi hi.

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Daniel 11:45

Amah in a kumpi puanbuk lianpite biakinn dinna mual tung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Daniel 11:41

Amah in Thuciamna Gam zong sim dinga, mi tul tampi tak a that ding hi. Ahih hangin Edom gam, Moab gam le Ammon gam sungah a om lai sunteng a suakta ding uh hi.

Daniel 11:16

Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.

Daniel 8:9

Tua ki lite lak pan khatʼ tungah ki neu dang khat hong po a, khanglam, nisuahna lam le Thuciamna Gam lamah a vangliatna a lak hi.

Ezekiel 20:6

Egypt gam panin amaute paikhiat pihin, amaute adingin ka zon khiatsak, bawngnawi le khuaizu tui bangin a luanna gam ahi, gam sung khempeuh panin a hoih penna munah amaute ka tunpih ding ni teek mahin ka kiciam hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 12:10

Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Isaiah 64:8

Ahi zongin Topa aw, nang pen koteʼ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Paunak 3:35

Mipilte in minphatna le pahtawina ngah ding uh a, mihaite in maizumna le mindaina ngah ding uh hi.

Late 106:24

Amaute in gam nuam simmawh uh a, ama thuciamna um lo uh hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

Late 16:6

Kei-aʼ pen mun nuam mahmah sung hong tu ahih manin gamhluah hoih nei ka hi hi.

Late 89:26

Amah in kei kiangah, ‘Nang pen keima Pa le ka Pasian na hi a, kei a hong hon khia pa le a hong hupa na hi hi,’ hong ci ding hi.

Jeremiah 3:17

Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-at keh loin, na sam uh zong na mettol kei ding uh hi.