Jeremiah 3:17 - Tedim Bible Revision 2017

¹⁷ Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Tedim Bible

¹⁷ Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Jeremiah 3:17 Referans Kwoze

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Jeremiah 17:12

I biakinnpi pen a kipat cil-in mual tungah a om a minthang mahmah kumpi tokhom tawh kibang hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.

Isaiah 66:20

Israel mite in beel siangtho sungah an tawh amau biakpiakna tawi-in Topa’ biakinn ah hong paipih uh mah bangin amaute in minam khempeuh lak panin Topa’ tungah piak dingin na sanggamte khempeuh uh, sakolte, leengte, taalte le late, kalaoh hatte tungah hong pua-in ka mual siangtho Jerusalem ah hong paipih ding uh hi, Topa in ci hi.

Isaiah 56:6

“Ama na a sem ding, Topa’ min a it ding, ama nasem a suak dingin Topa pawlin amah a beel gamdang mite, Sabbath ni tangin a siasak lo, ka thuciamna hoihtakin a lenkip mi peuhmah,

Galati 4:26

Ahi zongin vantung Jerusalem pen sal hi lo a, eiteʼ pianna nu ahi hi.

ROM (Romans) 1:21

Amaute in Pasian thei napi-in a zahtak dingun a kilawm bangin zahtak loin, a tungah a lungdam dingun a kilawm bangin lungdam lo uh hi. Amaute in thuhoih ngaihsun nuam lo uh a, a ngaihsutnate uh a mawknapi a suak hi.

Jeremiah 31:23

Vanglian Topa, Israel miteʼ Pasian in hong genin ah: “Keimah in amaute a gam uh ah ka omsakkik ciangin, Judah gam le a khuapite uh ah amaute in, ‘Thuman thutak a teenna mual siangtho aw, Topa in thupha hong pia tahen,’ ci-in a genkik leuleu ding uh hi.

Jeremiah 18:12

Amaute in, ‘Tua bang gen kul lo hi. Koʼ ngimna bangin ka gamta ding uh a, mi khempeuh ama lungsim siaʼ deihna bangin a gamta ding uh hi,’ hong ci ding uh hi.

Jeremiah 16:12

Note, na pu na pate sangun na siahuai zaw uh hi. Bang hang hiam cih leh en un, noteʼ utna bang ciat na zui tentan uh a, ka thu nong ngai nuam kei uh hi.

Jeremiah 14:21

Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Jeremiah 9:14

amauʼ lungsim deihna zui tentanin a pu a pate uh hilhna bangin Baal nung a zuih man uh ahi hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 26:8

Topa aw, nangma deihna kong zui uh a, nang kong ngak uh hi. Nang pen koteʼ deih kicinna na hi hi.

Isaiah 6:1

Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Late 87:3

Pasianʼ khuapi aw, na minthanna teng hong kigengen hi.

Thukhente 2:19

Ahih hangin thukhente a sih peuhpeuh ciangin amaute kiheikikin a pu a pate uh sangin a sia zaw-in gamta zel uh hi. A dang pasian-teʼ nung zui uh a, amauteʼ na semin a mai uh ah kun uh hi. Amauteʼ gamtatnate uh ahi a, a lungkhauhnate uh ahi zongin khia lo uh hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lak khia a, eite le i suan i khakteʼ zuih tawntung ding ahi hi.

Gamlak-vakna 15:39

Tua pen, note in ut luatna tawh na zuih theih zel uh ahi nomauʼ lungsim le nomauʼ mittangʼ deihna zui kha loin, note in na et ding uh puan mongteep le Topaʼ thupiakte khempeuh phawkin na sep nading uh ahi hi.

Piancilna 8:21

Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

ROM (Romans) 6:14

Note pen thukhamʼ sawlna hangin nasem hi loin Pasianʼ hong lah thuhoihteʼ hangin nasem na hih uh manin mawhnaʼ sawlna mangin na gamta nawn kei un.

Ezekiel 1:26

Tua kuum tungzang ah, sapfaia suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat a tu hi.

Isaiah 66:18

Bang hang hiam cih leh amauʼ nasepnate le amauʼ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoih pen gam nopci mahmah khat nang hong pia ning, ci-in ka ngaihsun hi.

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Jeremiah 12:15

Ahih hangin amaute ka lakkhiat khit ciangin ka hehpihkik dinga, amauʼ luah ding amauʼ gam ciatciat uh ah ka koihkik ding hi.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

Jeremiah 16:19

Aw Topa, ka hatna le ka kulhpi, lungkham hun ciangin ka bukna pa aw, leimong panin gamdang mite nangma kiangah hong pai ding uh a, “Ka pu ka pate un zuau thu le bangmahin a kimang lo milimte longal bangmah dang a luah kei ding uh hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Ezekiel 48:35

Khuapi kimkot a sauna pi tul sawm thum za nih sawm li pha a, tu a kipanin hih khuapi min pen, ‘Hih lai ah Topa om hi,’ kici ding hi,” hong ci hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amauʼ Pasian ka hi dinga, amau tawh ka thuciamnate limtakin ka zui ding hi.

1 KUMPI MASATE 8:41

“Tua mah bangin na mi Israel ahi lo gamdang mi khat nangma min hangin a gamlapi panin hong pai-in

Late 102:23

Amah in kei a khangtung kimlai ka thahatna hong suk tat sakin, ka hunte hong khiapsak hi.