Jeremiah 3:12 - Tedim Bible Revision 2017

¹² Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Tedim Bible

¹² Pai in la, leilu lam Israel gamah hih bangin va tangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi, bang hang hiam cih leh a hehpih thei pa ka hi hi, Topa in kong ci hi; ka heh tawntung kei ding hi.

Jeremiah 3:12 Referans Kwoze

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Jeremiah 33:26

Jakob le ka nasem pa Davidʼ suante ka nial dinga, Abraham, Isaac le Jakobʼ suante a uk dingin amauteʼ lakah mi khat zong a teel lo ding mah ka hi hi. Ahi zongin tu-in tua bang hi loin amaute ka hausakkik dinga, ka hehpih ding hi,” a hong ci hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uhʼ luah dingin ka piak sa gamah a pai khawm ding uh hi.

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Jeremiah 23:8

‘A hawl khiatna leilu lam gam le gamdangte khempeuh panin Israel miteʼ suanlekhakte kaikhawmin a makaih Topa a nuntak bangin,’ ci-in a kiciam zaw ding uh hi. Tua ciangin amaute amauʼ gam sung mahah a teeng ding uh hi,” a ci hi.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 3:5

nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Late 145:8

Topa dikin hehpihna nei a, heh hak mahmah in itna kip lianpi a nei hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

2 KUMPI NIHNATE 18:1

Israel kumpi, Elahʼ tapa Hosheaʼ kum thumna kumin Judah kumpi, Ahazʼ tapa Hezekiah in uk ding kipan hi.

Thu-hilhkikna 30:2

Topa noteʼ Pasianʼ kiangah note le na suan na khakte uh paikikin, na lungsim khempeuh uh le na nuntakna khempeuh uh tawh tu ni-a kong gen ama thute na man uh ciangin,

Hosea 6:1

Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih dinga, amaute a cithei-in ka bawlkik ding hi. Keima min siangtho ka hu ta ding hi.

Jeremiah 31:8

En un, keimah in leilu lam gam panin amaute ka la dinga, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Jeremiah 3:14

Hong kilehkik un, a zulhzau ka tate aw, Topa in kong ci hi. Bang hang hiam cih leh note pen keima mite na hi uh a, khuapi khat panin mi khat, beh khat sung panin nih cih bangin hong la-in, Zion khua ah ka hong puak ding hi.

Jeremiah 3:7

Hih teng a hih khit ciangin kei kiangah hong kilehkik ngawn ding hi, ci-in ka up hangin amah hong kilehkik tuan lo hi. Tua bangin a gamtatna pen numei gina lo a sanggamnu Judah in zong a mu hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Late 103:17

Ahih hangin Topaʼ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khangkhangin a kip tawntung hi.

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Late 79:5

Topa aw, bang tanvei hi ding ahi hiam? Heh paisuak ding na hi hiam? Nangma hazat hehna meikuang bangin kuang paisuak ding ahi hiam?

2 KHANG TANGTHU NIHNATE 30:9

Bang hang hiam na cih uh leh Topaʼ lamah note na kilehkik uh leh, na sanggamte uh le na tate un amau a manteʼ tung panin hehpihna ngahin hih gamah hong ciahkik ding uh hi. Bang hang hiam cih leh Topa na Pasian uh dikna le hehpihna a nei hi a, ama lamah na kiheikik nak uh leh note kiang panin a maitang hei khia lo ding hi,” ci-in a gen uh hi.

2 KUMPI NIHNATE 17:6

Hosheaʼ kum kuana kumin Assiria kumpipa in Samaria la a, amah in Assiria ah Israel mite ciah pihin Halah gam sung, Gozan gam a om Habor gun gei le Media khuapite sungah amaute a koih hi.

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

Piancilna 4:7

Limtakin hih lecin, nang hong kisang lo ding ahi hiam? Limtakin na hih kei leh nang hong hih nuamin mawhna in hong buk a, nang hong uk nuam hi. Ahih hangin nang in tua mawhna na zawh ding ahi hi,” a ci hi.

Siampi Laibu 26:40

“Ahih hangin kei tungah khemna tawh hong gamtatna sa uh le kei hong demna uh hangin amaute gawt bawlin, amauʼ galteʼ leitang ah amaute ka paipihna hangin, amauʼ mawhna le a pu a pate uh mawhna pulakin a lungsim uh niamkhiatin, amaute in a mawhna a kipuahphat uh leh,

Late 103:9

Amah in a tawntungin hong taii ngitnget lo dinga, amah heh paisuak lo ding hi.

Jeremiah 11:6

Tua ciangin Topa in kei kiangah, “Hih thuciamna thute ngai-in a sep nadingun Judah gam khuapite le Jerusalem khua kongzing lakah va taangko in.

Jeremiah 12:15

Ahih hangin amaute ka lakkhiat khit ciangin ka hehpihkik dinga, amauʼ luah ding amauʼ gam ciatciat uh ah ka koihkik ding hi.

Kah la 3:22

A bei thei lo Topaʼ hong itna le a hehpihna a kizom paisuak hi a,

Ezekiel 11:17

“Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawmkikin, amaute tungah Israel gam ka piakik ding hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsimah om hi.

Isaiah 31:6

Israel mite aw, nakpi takin na do pa uhʼ lamah kiheikik un.

Jeremiah 31:21

Lampi ah ciaptehnate bawl unla, lamlahnate phut un. Na pai khiatna uh lampi mah limtakin zongkik un. Nungak siangtho tawh a kibang Israel mite aw, hong kilehkik unla, na khuapite uh hong zuankik un.

Zekhariah 1:4

Na pu na pate uh bang nawn kei un. Nidang a kamsangte in amaute kiangah ka thu gen uh a, gamtat sia gamta loin, a mawh nawn loh nading hilh uh hi. Ahi zongin amaute in ka thu ngai nuam loin, ka thu hong mang lo uh hi.