Jeremiah 28:4 - Tedim Bible Revision 2017

⁴ Jehoiakimʼ tapa Judah kumpi Jehoiakhin le Judah gam panin Babylon ah salin a paite khempeuh zong hih munah ka lakik ding hi, Topa in hong ci hi. Bang hang hiam cih leh Babylon kumpipaʼ vangliatna ka susia ding hi, ci hi,” a hong ci hi.

Tedim Bible

⁴ Jehoiakim’ tapa Judah kimpipa Jekoniah leh Judah gam pana Babilon-a sal a, a paite khempeuh zong hih munah ka la kik ding hi, Topa in hong ci hi. Bang hang hiam cih leh Babilon kumpipa’ hakkol ka kuaitan ding hi, a ci hi,” hong ci hi.

Jeremiah 28:4 Referans Kwoze

Jeremiah 22:24

Topa in Jehoiakim tapa Judah kumpipa Jehoiakhin tungah, “Kei a nungta Pasian ka hih mah bangin, nangmah in ka taklam khut ah a om ka letmatthuhna tawh a kibang na hih hangin nang kong la khia dinga,

Jeremiah 28:2

“Vanglian Topa, Israel miteʼ Pasian in hong genin ah: Babylon kumpipaʼ vangliatna ka susia khin hi.

Jeremiah 24:1

Babylon Kumpi Nebukhadnezzar in Jerusalem khua panin Jehoiakimʼ tapa Judah kumpipa Jehoiakhin le Judah kumpi uliante, khutsiamte le sikseek siamte, Babylon khua ah sal dingin a paikhiatpih khit ciangin Topa in hih maang hong musak hi. Topaʼ biakinn mai ah theigah bawm nih dim ka mu hi.

Nahum 1:13

Noteʼ tungah Assiria miteʼ aana neihna ka beisak dinga, note hong khihna sikkhaute ka su tat ding hi,” ci hi.

Jeremiah 30:8

“Vanglian Topa in kong cih in ah, tua ni ciangin amauʼ ngawng panin a hakkolte uh ka kuaihtansak dinga, a khaute ka su tat ding hi. Amaute, gamdang miteʼ salin a om nawn kei ding uh hi.

Jeremiah 28:10

Tua ciangin kamsang pa Hananiah in ka ngawng panin ka hakkol hong lak khiatsakin hong kuaihtansak hi.

Jeremiah 24:5

Hih mun panin Khaldea miteʼ gam a ka puakkhiat Judah mi saltangte hih theigah hoihte bangin a hoihin ka ngaihsun ding hi.

Jeremiah 22:10

Judah mite aw, misi pa Josiah kah kei unla, khasiat kei un. A kipaikhiat pih Shallum hangin nakpi takin kap zaw un. Bang hang hiam cih leh a pianna gam a mu dingin amah hong kilehkik nawn lo ding hi.

Jeremiah 2:20

“Sawt pek lai a kipanin ka hakkol kuaitanin ka ukna nong nial a, hong kihenna khau su tatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Isaiah 9:4

Bang hang hiam cih leh Midian-te a kizawh ni-a bangin nangmah in amauʼ van gik puakna hakkol le amaute a kisatna ciangkhut na kuaihtansak a, nangma mi a bawlsia minamte na zo gawp hi.

Piancilna 27:40

Na namsau tawh na nungta dinga, na sanggampaʼ na na sem ding hi. Ahih hangin amah na langpan ciangin ama khutnuai panin na leeng khia ding hi,” a ci hi.

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babylon kumpipa Nebukhadnezzarʼ na sem loin, Babylon kumpipaʼ hakkol a ngawng ah a puak kei leh, amah ka uk cipsak mateng namsau tawh, kialpi tawh, pulnatna tawh tua gam gim ka pia ding hi, Topa in kong ci hi.

Siampi Laibu 26:13

Note pen amauʼ sila na hih loh nadingun Egypt gam panin note a hong paikhiatpih Topa na Pasian uh ka hi hi. Keimah in noteʼ gimna hakkolte kuaitanin note a ding tangin kong paisak hi.

2 KUMPI NIHNATE 24:14

Amah in Jerusalem mi khempeuh, a ulian khempeuh le a thahat a vanglian khempeuh, galmatin tul sawm le khutsiamte le sikseekte khempeuh a ciahpih hi. Tua gam a a zawng pente sim loh kuamah dang om nawn lo hi.

Jeremiah 13:19

Negeb gam a om khua kongpite lah kikhak a, kuamah lut thei nawn lo hi. Judah mite zong salin kikai a, a vekun sal suak khin uh hi,” hong ci hi.

Jeremiah 29:1

Jerusalem khua panin Nebukhadnezzar in Babylon khua ah salin a paikhiatpih uliante, siampite, kamsangte le mi khempeuhteʼ tungah lai khat ka khak hi.

Jeremiah 29:2

Tua hunin kumpi Jehoiakhin le a nu, a kumpi innsung maangte, Judah gam le Jerusalem khua-a makai upate, khutsiamte le sikseekte, Jerusalem khua panin kipaikhiat pih khinzo hi.