Jeremiah 28:1 - Tedim Bible Revision 2017

¹ Tua kum mahin (Judah gamah Zedekiah kumpi a suah zawh kum li le kha nga a phak kum) Gibeon khua panin a hong pai Azzurʼ tapa kamsang Hananiah in Topaʼ biakinnpi sungah siampite le mi khempeuh a omkim laitakin hong hopih a,

Tedim Bible

¹ Tua kum mahin (Judah gamah Zedekiah kumpi suah zawh kum li leh kha nga a phak kum) Gibeon khua pana hong pai Azzur’ tapa kamsang Hananiah in Topa’ biakinnpi sungah siampite leh mi khempeuh’ om kim laitakin hong hopih a,

Jeremiah 28:1 Referans Kwoze

Jeremiah 27:1

Josiahʼ tapa Zedekiah, Judah gamah kumpi a suah tungin Topa in kei kiangah thu hong gen hi.

Joshua 9:3

Ahih hangin Gibeon khua-a teeng mite in Jerikho le Ai tungah Joshuaʼ hihnasa thu a zak uh ciangin

Jeremiah 37:13

Benjamin Kongpi ka tun ciangin Shelemiahʼ tapa, Hananiahʼ tupa Irijah a kici kongcing pa in kei kiangah, “Nang Babylon miteʼ lamah a taisim ding na hi hi,” ci-in a hong man hi.

Jeremiah 36:12

kumpipaʼ inn sung, thuvanpi paʼ inn dei sungah pai suk a, tua lai munah thuvanpi pa Elishama, Shemaiahʼ tapa Delaiah, Akborʼ tapa Elnathan, Shafanʼ tapa Gemariah le Hananiahʼ tapa Zedekiah te a kipan kumpi ulian khempeuh tu-in na om uh hi.

Jeremiah 28:11

Hananiah in zong mi khempeuh a om laitakin thu gen a, “Topa in, tu-a bangin Babylon kumpipa Nebukhadnezzarʼ vangliatna kum nih sungin gam khempeuhteʼ tung panin ka beisak ding hi, ci hi,” ci-in a gen hi. Tua ciangin kei ka paikhia hi.

Jeremiah 27:12

Judah kumpipa Zedekiah kiangah zong tua bangmahin ka gen a, “Na nuntak theih nadingin Babylon kumpipaʼ hakkol pua in.

Jeremiah 27:3

Edom kumpipa tung, Moab kumpipa tung, Taiar kumpipa tung le Sidon kumpipa tungah, Judah kumpipa Zedekiah tawh kimu dingin Jerusalem khua ah a hong pai a kumpi taangmiteʼ tungtawnin thu zasak in.

Jeremiah 23:28

Kamsang pa in mang a mat leh a mang bek mah gen henla, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

Isaiah 9:15

Upa pa le a zahtakhuai mipa pen a lutang hi a, zuau thu a hilh kamsang pa pen a mei ahi hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen a, amah in Israel miteʼ muhna ah, “Ni aw, Gibeon ah, Kha aw, Aijalon Kuam ah khawlcip in,” a ci hi.

1 KUMPI MASATE 3:4

Tua ciangin biakna a pia dingin Gibeon ah kumpipa pai hi; bang hang hiam cih leh mual tunga biakna mun a lian pen ahi hi. Solomon in tua biakna tau tungah meihal biakna tam veipi tak a piaknasa mun ahi hi.

2 KUMPI NIHNATE 24:18

Zedekiah kumpi a suahin kum sawm nih le khat pha a, amah in Jerusalem ah kum sawm le kum khat sung a uk hi. Ama nuʼ min Hamutal hi a, Libnah khuami Jeremiahʼ tanu ahi hi.

2 KHANG TANGTHU NIHNATE 36:11

Zedekiah in uk ding a kipatin kum sawm nih le khat pha a, amah in Jerusalem ah kum sawm le kum khat sung uk hi.

Jeremiah 28:5

Tua ciangin Topaʼ biakinnpi sungah dingin a om siampite le mi khempeuhte a omkim laitakin keimah Jeremiah in Hananiah ka hopih a,

Jeremiah 28:17

Tua kum mah a kha sagih kha-in kamsang pa Hananiah a si ta hi.

Jeremiah 37:19

Nangʼ kiangah, ‘Babylon kumpipa in nang le hih gam hong sim lo ding hi,’ ci-in thu a hong gen khol, na kamsangte tu-in koi ah om ahi uh hiam?

Jeremiah 49:34

Judah gamah Zedekiah kumpi a suah tungin Elam gam tawh kisai-in Topa in kei tungah thu hong gen hi.

Jeremiah 51:59

Neriahʼ tapa, Mahseiahʼ tupa Seraiah pen Zedekiah kumpipaʼ thuvaan pa ahi hi. Kumpi Zedekiah in Judah gamah a uk zawh kum li ciangin Seraiah le kumpipa Babylon ah a pai uh hi. Tua hun laitakin keimah in Seraiah thu ka vaikhak hi.

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante uh nuamsak uh hi.

Jeremiah 29:15

“Note in, ‘Eite adingin Topa in Babylon khua ah kamsang hong koihsak hi,’ ci-in gen na hih manun

Ezekiel 13:6

Amauteʼ maangmuhnate zuaupi hi a, a thugen kholhnate uh zong zuau thu ahi hi. Keimah in amaute sawl lo napi-in amaute in, ‘Topa in hih bangin ci hi,’ ci khem uh hi. Tua bang hi napi-in amauteʼ thugente ka tunsak ding a lamen lai uh hi.