Jeremiah 27:10 - Tedim Bible Revision 2017

¹⁰ Bang hang hiam cih leh noteʼ kiang a hong gen uh thu pen zuau thu hi a, tua hangin na gam uh panin gamlapi ah note hong kipaikhiat pih ding hi. Keimah in note kong hawl khia dinga, note na si ding uh hi.

Tedim Bible

¹⁰ Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Jeremiah 27:10 Referans Kwoze

Jeremiah 32:31

Hih khuapi in, a kisat cil a kipan tu ni ciang dong hong hehsakin hong thangpaisak ahih manin ka muhna panin ka hem khia ding hi.

Kah la 2:14

Na kamsangte un zuau thu longal thudang gen ding nei lo uh a, a thuhilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 28:16

Tua ahih manin Topa in a hong genin ah: ‘En in, hih leitung panin nangmah hong la khia ding hi. Topa langpanna thu gen na hih manin tu kum sung mahin na si ding hi,’ hong ci hi,” ka ci hi.

Jeremiah 27:14

Babylon kumpipaʼ na sem kei un, ci-in noteʼ kiang a hong gen kamsangteʼ thugennate um kei un. Bang hang hiam cih leh noteʼ kiang a hong gen uh thu pen zuau thu ahi hi.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuautheiteʼ thuhilhnate zong ka za khinzo hi.

Paikhiatna 22:18

“Numei ai san nu na hingkhawi kei ding uh hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,

Jeremiah 8:19

Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Jeremiah 14:14

Tua ciangin Topa in, “Tua kamsangte in keiʼ min suangin zuau thu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna le amauʼ ngaihsut tawm thute ahi hi.

Jeremiah 23:16

Vanglian Topa in, “Note kiangah thu hong hilh a, a hong lamen khialsak kamsangteʼ thugennate na ngai kei un. Amaute in a lungsim uh ah a geel tawm uh thu hong gen uh hi a, keima kiang pan a hong pai thu ahi kei hi.

Jeremiah 27:15

Topa in kong cih in ah, ‘Keimah in amaute ka sawl kei hi. Ahih hangin amaute in keiʼ min tawh a man lopi-in thu hilh uh a, tua hangin note le noteʼ kiangah thu hong hilh kamsangte kong sawl khia khawm dinga, na si ding uh hi,’ ci hi,” ci-in ka gen hi.

Jeremiah 27:16

Tua ciangin siampite le hih mi khempeuhteʼ kiangah, “Topa in hong genin ah, ‘En un, Babylon khua panin Topaʼ biakinn beelte kilakik baih ta ding hi,’ ci-in noteʼ kiangah na kamsangte uhʼ hong thugente um kei un. Bang hang hiam cih leh note kiangah hong gen uh thu pen zuau thu ahi hi.

Jeremiah 28:11

Hananiah in zong mi khempeuh a om laitakin thu gen a, “Topa in, tu-a bangin Babylon kumpipa Nebukhadnezzarʼ vangliatna kum nih sungin gam khempeuhteʼ tung panin ka beisak ding hi, ci hi,” ci-in a gen hi. Tua ciangin kei ka paikhia hi.

Daniel 4:7

Tua ciangin aisan theite, mitphial siamte, khongkhai theite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Zekhariah 10:2

Mihingte in milim peuh thudotin nei uh a, a thu ngahte uh zuau thu le a mawkna hi lel hi. Mang khia thei-a kineite in lam lakkhial uh a, amauʼ hehnepnate a mawknapi hi lel hi. Tua ahih manin tuu bangin mite mangthang uh a, makai a neih loh manun gimna a ngah uh hi.