Jeremiah 26:3 - Tedim Bible Revision 2017

³ Amaute in na thugen hong ngai-in, a gitlohna uh pan kihei kha thei ding uh hi. Tua hileh amauʼ gitlohna hanga amaute suksiat dingin ka ngaihsut sa ka kheelkik ding hi.

Tedim Bible

³ Amaute in na thu gen hong ngai-in, a gitlohna uh pan a kihei kha thei ding uh hi. Tua hi leh amau’ gitlohna hanga amau suksiat ding a, ka ngaihsut sa ka khelkik ding hi.

Jeremiah 26:3 Referans Kwoze

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

1 KUMPI MASATE 21:29

“Keima mai ah bangzahin Ahab a kiniamkhiatna na mu hiam? Keima mai ah amah kiniamkhiat ahih manin ama hun sungin siatna ka tungsak kei ding hi. Ahih hangin a tapaʼ hun sungin ama innkuan tungah siatna ka tungsak ding hi,” a ci hi.

1 KUMPI MASATE 21:27

Ahab in hih thute a zak ciangin a puante bal kek a, a pum tungah puanhampi silhin, an tangin puanhampi tungah lum a, mai khingin a vak kawikawi hi.

Jeremiah 26:13

Tua ahih manin tu-in na nuntak dante uh le na gamtat ziate uh kheel unla, Topa na Pasian uh thu ngai un. Tua hileh Topa in noteʼ kisiatna ding a gen sa thu a kheelkik ding hi.

Ezekiel 12:3

Ezekiel aw, tu-in galtai dingteʼ gamtat bangin na van puak ding guang inla, suntangpi-in paikhia in. Na omna panin na paikhiat lam mi khempeuh musak in. A lehdo thei mi ahih tei hangun a thu theithei kha ding uh hi.

Hosea 11:9

Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.

Joel 2:14

Topa, eiteʼ Pasian in a lungsim hong kheelin an hauhsakna tawh thupha hong pia kha ding hi. Tua hileh ama tungah an le leenggahzu tawh biakna i pia thei ding hi.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Ezekiel 18:21

“Migilo khat in a mawh bawlna khawlin ka thukham zui henla, a hoih a manin gamta leh, tua mipa si lo dinga, pel loin nungta ding hi.