Jeremiah 26:2 - Tedim Bible Revision 2017

² “Topa in kong cih in ah, Topaʼ biakinnpi huang sungah va ding inla, Topaʼ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Tedim Bible

² “Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Jeremiah 26:2 Referans Kwoze

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Jeremiah 19:14

Tua ciangin Topa in thu gen dinga hong sawlna Tofeth panin ka ciahkik a, Topaʼ biakinn sungah dingin mi khempeuh kiangah thu ka gen a,

Jeremiah 1:17

Tua ahih manin Jeremiah aw, kithawi in. Pai inla kong sawl khempeuh amaute kiangah va gen in. Amaute kihta kei in; na kihtak leh amauʼ mai ah kong lausak zaw lai ding hi.

Sawltak 20:20

Mihon lak ahi a, noteʼ inn sungah ahi zongin ka hong thuhilhna khempeuh ah noteʼ phattuam nading a om khempeuh siit nei loin kong gen khin hi.

Sawltak 5:42

Nisimin biakinn sung le mite inn ah thu hilh uh a, Jesu, Khris hi, cih Lungdamna Thu a gengen uh hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Ezekiel 3:10

Tua khit ciangin amah in thu hong gen thuah lai a, “Mihing ahi Ezekiel aw, nang tungah kong thugen khempeuh limtakin ngai inla ciamteh in.

Jeremiah 36:10

Tua ciangin Topaʼ biakinn sung, a Kongpi Thak tumna gei, a dei tungnung a Shafanʼ tapa thuvanpi pa Gemariahʼ inn dei sungah mi khempeuhʼ zakin Baruk in laizial sunga ka gelhsak kammalte a sim khia hi.

Jeremiah 23:28

Kamsang pa in mang a mat leh a mang bek mah gen henla, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

Jeremiah 7:2

“Topaʼ biakinn kongkhakpi kiangah ding inla, hih thu teng va taangko in: Topa a bia dingin kongkhak sunga hong tum Judah mite aw, Topaʼ kammal ngai dih un.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Mangmuhna 22:19

hih laibu sungah a kigelh thute a hem khia na om uh leh Pasian in zong hih laibu sungah a kigelh nuntakna singgah le Khuapi Siangtho sungah na ngah ding uh hamphatnate note kiang panin hong hepkhiatsak ding hi.

Sawltak 5:25

Tua laitakin mi khat hong pai-in amaute kiangah, “Thong sungah na khum uh mite in tu mahmah in biakinn sungah thuhilhin om uh hi,” ci-in a hong gen hi.

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Luka 19:47

Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Jeremiah 42:4

Kei zong amaute kiangah, “Nong genna uh ka thei khinzo hi. En un, nong ngetna bangun Topa na Pasian uh kiangah thu ka ngen dinga, Topaʼ hong dawnkikna bangbang kong gen ding hi. Bangmah kong im kei ding hi,” ka ci hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi.

Jeremiah 7:27

“Tua ahih manin Jeremiah aw, hih thute amau kiangah na va gen dinga, ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Ezekiel 33:7

“Mihing ahi Ezekiel aw, tu-in Israel minam khempeuhteʼ galvil pa dingin nang kong koih hi. Nang tungah kong piak hilhkholhna khempeuh amaute tungah na gen sawn ding hi.

Ezekiel 40:4

Tua mipa in kei kiangah, “Mihing ahi Ezekiel aw, tu-a kong lah ding nate, na mit tawh limtakin enin, na bil tawh limtakin ngai inla, limtakin ngaihsun in. Hih lai ah nang kong paipihna pen hih thu hang mah ahi hi. Na muh na khempeuhte, Israel mite tungah a gen ding na hi hi,” hong ci hi.

Joshua 8:35

Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte kiangah na pai dinga, kong sawl peuhpeuh na gen ding hi.

Jeremiah 25:2

Kamsang pa Jeremiah in zong Judah gam mi khempeuh le Jerusalem khuami khempeuhteʼ tungah hih bangin a gen sawn hi:

Jeremiah 28:5

Tua ciangin Topaʼ biakinnpi sungah dingin a om siampite le mi khempeuhte a omkim laitakin keimah Jeremiah in Hananiah ka hopih a,