Jeremiah 26:16 - Tedim Bible Revision 2017

¹⁶ Tua ciangin kumpi uliante le mi khempeuhte in siampite le kamsangte tungah, “Hih pa in eiteʼ Topa Pasianʼ min tawh thu hong gen ahih manin thah ding kilawm lo hi,” a ci uh hi.

Tedim Bible

¹⁶ Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Jeremiah 26:16 Referans Kwoze

Sawltak 23:29

Thongkhiat nading le sihna thuak nadingin khialhna a bawlna bangmah ka mu kei hi. A mawhsaknate uh amauʼ thukham ngeina tawh kisai hi lel hi.

Sawltak 23:9

Amauʼ kitotna awging hupha semsem a, Farisi mite pawl sung a om Thukham hilh siate pawl khat hong dingin nakpi takin hong pau uh a, “Hih mipa tungah khialhna them khat zong om lo hi. Vantungmi ahi a, Pasianʼ sawl khat peuhpeuh in ahi zongin ama tungah thu a gen hi kha thei ding hi,” a ci uh hi.

Sawltak 25:25

Ahi zongin sihna thuak nadingin ama gamtat khialhna bangmah ka mu het kei hi. A mahmah in gam uk kumpipa tungah a zu khan khin ahih manin kumpipa kiangah puak dingin ka ngaihsut sa ahi hi.

Jeremiah 36:25

Elnathan, Delaiah le Gemariah in kumpipa in laizial a hal loh nading a khoh uh hangin amah in a mang kei hi.

Jeremiah 36:19

Tua ciangin kumpi uliante in Baruk kiangah, “Pai inla, nang le Jeremiah va bu un. Na omna mun uh kuamah theisak kei un,” a ci uh hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Jeremiah 26:11

Tua ciangin siampite le kamsangte in kumpi uliante le mi khempeuhteʼ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Paunak 16:7

Topaʼ deih bangin gamtatna pen galte nangawn lawm a kaih zawhna ahi hi.

Esther 4:14

Hih bang hunin bangmah hih loin na omcip leh, Jew miteʼ suahtak nading le noptuamna ding thu mun dang khat pan hong piang veve dinga, nangmah le na innkuanpihte na si mang ding uh hi. Hih kumpi inn na tunna pen hih bang huna mah dinga a tung na hih mel zong kua in thei ahi hiam?” a ci hi.

Jeremiah 34:10

Mi khempeuh in a silate uh numei ahi a, pasal ahi zongin khah khia-in sila-in khawikik thei nawn lo ding hi, ci-in thuciamna a nei kumpi uliante a kipan mi khempeuh in mang uh a, a khah khia uh hi.

Jeremiah 37:15

Kumpi uliante zong kei tungah heh mahmah uh a, hong sat khit uh ciangin thong dingin a kizang sa, kumpi thuvanpi pa Jonathanʼ inn ah thong hong kiasak uh hi.

Late 94:16

Kei adingin migilote a do dingin kua kipan ahi hiam? Kei adingin siatna a bawlteʼ lang khat ah kua ding ahi hiam?