Jeremiah 26:12 - Tedim Bible Revision 2017

¹² Tua ciangin Jeremiah in kumpi ulian khempeuhte le mi khempeuhteʼ kiangah, “Topa in na zak sa uh ahi hih biakinnpi le hih khuapi lang khat ah ka gen thu khempeuh a gen dingin kei hong sawl hi.

Tedim Bible

¹² Tua ciangin Jeremiah in kumpi ulian khempeuhte leh mi khempeuhte’ kiangah, “Topa in na zaksak uh ahi hih biakinnpi leh hih khuapi lang khatah ka gen thu khempeuh a gen dingin kei hong sawl hi.

Jeremiah 26:12 Referans Kwoze

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Jeremiah 26:15

Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

Jeremiah 26:2

“Topa in kong cih in ah, Topaʼ biakinnpi huang sungah va ding inla, Topaʼ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tua ci om na hihna thu gen in. Tua hun ciangin a lungsim uh launa tawh kidimin, launa hangin a khut uh liingcipin, a hanna lungsim uh bei-in, lau-in a khuk uh a liin kelkelna ding thu le, tua hun ding pen tu-in a hong tung ta ahihna thu gen in,” Topa Pasian in a hong ci hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?