Jeremiah 26:11 - Tedim Bible Revision 2017

¹¹ Tua ciangin siampite le kamsangte in kumpi uliante le mi khempeuhteʼ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Tedim Bible

¹¹ Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Jeremiah 26:11 Referans Kwoze

Jeremiah 38:4

Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Mattiu 26:66

Note in tu-in bangci ngaihsut na hi uh hiam?” ci-in a dot ciangin amaute in, “Thah dingin a kilawm hi,” ci-in a dawng uh hi.

Thu-hilhkikna 18:20

Ahih hangin keimah in thugen dingin thu pia lo napi-in keima min tawh thu a gen ngam kamsang pa hitaleh pasian dangteʼ min tawh thu a gen pa hitaleh, tua bang mite si ding hi,’ hong ci hi.

Sawltak 22:22

Paul in Gentail mite kiang a pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.

Johan 19:7

Jew mihonte in, “Amah Pasianʼ Tapa-in kigen ahih manin a kithah theih nading Thukham ka nei uh hi,” ci-in a genna uh

Johan 18:30

amaute in, “Hih mipa a gamtat a sia lo hileh nang kiangah ka hong paipih kei ding uh hi,” ci-in a dawng uh hi.

Jeremiah 18:23

Ahih hangin Topa aw, amaute in thah dingin kei a hong sawmna uh nang na thei hi. Amauʼ khialhnate na maisak kei inla, nangma muhna panin amauʼ mawhnate phiat mangsak kei in. Nangma mai ah amaute guallelsak inla, na heh ni mahin hih ek in.

Jeremiah 26:16

Tua ciangin kumpi uliante le mi khempeuhte in siampite le kamsangte tungah, “Hih pa in eiteʼ Topa Pasianʼ min tawh thu hong gen ahih manin thah ding kilawm lo hi,” a ci uh hi.

Thukhente 6:30

Tua ciangin tua khua mite in Joash kiangah, “Na tapa in Baal biakna tau phel khia-in a gei-a om Asherah milim phuk ahih manin ka thah theih nadingun amah hong paikhiatpih in,” a ci uh hi.