Jeremiah 25:5 - Tedim Bible Revision 2017

⁵ Amaute in, ‘Tu-in na vekpi-un na gitlohna uh le na gamtat khialhnate uh panin na kihei uh leh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Tedim Bible

⁵ Amaute in, ‘Tu-in na vekpi-un na giltohna uh leh na gamtat khialhnate uh panin na kihei uh leh Topa in note leh tanglai-a na pute na pate uh tungah na neih tawntung ding uh a, a hong piak gam sungah na teeng thei ding uh hi.

Jeremiah 25:5 Referans Kwoze

Jeremiah 7:7

tanglai-a na pu na pate un a neih tawntung dingun ka piak hih gam sungah ka hong tengsak ding hi.

Jeremiah 17:25

na kumpite uh le na uliante un Davidʼ neih bang kumpi vangliatna a nei ding uh hi. Amaute in Judah mite le Jerusalem khua mite tawh sakol leeng le sakolte tungah tuangin hih khua kongpite ah hong lut ding uh a, hih khuapi ah zong mi teeng tawntung ding hi.

Piancilna 17:8

Nangma tung le nangʼ khit cianga na suanlekhakte tungah tawl khat na omna Kanaan leitang khempeuh na neih tawntung dingun kong pia dinga, kei pen amauteʼ Pasian ka hi ding hi,” a ci hi.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatna sa bang ciat un thu kong khen ding hi. Kisikkikin na gamtat siatna khempeuh panun khawl unla, na mawhna hangun kisisak kei un.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Late 37:27

Siatna panin kikem inla, gamtat hoih in; tua hileh na khantawnin, na kip paisuak ding hi.

Late 139:24

Kei sungah siat theihna a om kha hiam hong en inla, tawntung lampi ah kei hong kha in.

Isaiah 1:16

Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Hosea 1:7

Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.