Jeremiah 25:22 - Tedim Bible Revision 2017

²² Taia kumpite khempeuh, Sidon kumpite khempeuh; tuipi gei-a kumpite khempeuh;

Tedim Bible

²² Tai-ar kumpite khempeuh, Sidon kumpite khempeuh leh tuipi gei-a kumpite khempeuh;

Jeremiah 25:22 Referans Kwoze

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tung ta hi. Bang hang hiam cih leh Topa keimah in Filistia mite le Kaftor tuipi gei ah a omlaite ka susia ding hi.

Ezekiel 32:30

“Leilu lam uliante le Sidon mite zong tua lai mahah om uh hi. Amauteʼ vangliatna in midangte lausak ngei a, ahi zongin tu-in gal sung a si mite tawh mindai-in pai suk uh a, Pasian a thei loin kivui uh hi. Misiteʼ gam Leinuai-a a pai sukte tawh a mindaina uh kibang hi.

Ezekiel 29:18

“Mihing ahi Ezekiel aw, Babylon kumpipa Nebukhadnezzar in Taia khuapi sim hi. A galkapte, nakpi takin hanciamsak lua ahih manin a sam nangawn uh pulhmangin, a liangkote uh a sa nangawn leng khia mang a, ahi zongin tua bangin amauʼ gim thamanin kumpipa le a galkapte in bangmah phattuamna ngah lo uh hi.

Jeremiah 31:10

“Aw, gamdangte aw, Topaʼ kammal ngai unla, gamlapi, tuipi gei-a omte kiangah va gen sawn un. ‘Israel mite a kithehthang sakpa in kaikhawmkik dinga, tuucingpa in a tuute a kep bangin a kem ding hi,’ va ci un.

Jeremiah 27:3

Edom kumpipa tung, Moab kumpipa tung, Taiar kumpipa tung le Sidon kumpipa tungah, Judah kumpipa Zedekiah tawh kimu dingin Jerusalem khua ah a hong pai a kumpi taangmiteʼ tungtawnin thu zasak in.

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

Isaiah 23:4

Sidon aw, maizum in; bang hang hiam cih leh tuipi in thu gen khin hi. Tua tuipi muanhuai in, “Keimah in naupaii-in na ka sa ngei kei a, nau ka nei ngei kei hi. Ta numei ka khoi ngei kei a, ta pasal zong ka khansuah ngei kei hi,” ci hi.

Isaiah 23:15

Tua a siat hun a kipanin kumpi khat nuntak hunsung tan ahi, kum sawm sagih sung Taia khuapi kimangngilh ding hi. Kum sawm sagih a cin ciangin, paktat numei la sunga mah bangin Taia khuapi tungah piang ding hi. Tua la sungah,

Ezekiel 39:6

Kuamah in nawngkaisak loin nuam takin mite a om hithiatna Magog gam sung le tuipi gei-a gamte ka hal dinga, tua ciangin Topa ka hihna thu mi khempeuh in hong thei ding uh hi.

Ezekiel 27:27

Tua bangin nang na siat ni ciangin a tam mahmah na van khempeuh na sungah a om teembaw nasemte khempeuh, na lettamate le na sumbuk mite khempeuh, na sungah a om na galkap khempeuh, a vekpi-in nang tawh tuipi sungah tuum mangkhin uh hi.

Ezekiel 28:1

Topa in kei kiangah thu hong gen a,

Ezekiel 28:20

Topa in kei kiangah thu hong gen a,

Ezekiel 28:21

“Mihing ahi Ezekiel aw, Sidon lam nga inla, a siat nading thu gen khol in.