Jeremiah 24:7 - Tedim Bible Revision 2017

⁷ Keimah Topa ka hih lam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amauteʼ Pasian ka hi ding hi.

Tedim Bible

⁷ Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Jeremiah 24:7 Referans Kwoze

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang dinga, amaute lungtang tungah gelhin, amauteʼ Pasian ka hi dinga, amaute pen keima mi ahi ding uh hi.

Jeremiah 30:22

Tua ciangin note, ka mite na hi ding uh a, kei pen noteʼ Pasian ka hi ding hi,” a ci hi.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amauteʼ mawhna le kei hong leh heknate panin ka suaktasak ding hi. Amaute a siangtho mi-in ka bawl dinga, amaute keima mi hi-in, kei, amauteʼ Pasian ka hi ding hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amauʼ Pasian ka hi dinga, amau tawh ka thuciamnate limtakin ka zui ding hi.

ROM (Romans) 6:17

Nidangin silate bangin mawhnaʼ thu a mang hi napi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.

Ezekiel 37:27

Amaute tawh teeng khawmin, amauteʼ Pasian ka hi dinga, amaute pen keima mite hi ding uh hi.

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Isaiah 51:16

Vantungte zalin lei bulpi ka phut a, Zion kiangah, ‘Nang pen keima mi na hi hi. Nang tungah thu kong hilh khin a, ka khut tawh nang ka hong hu hi,’ ka ci hi,” a ci hi.

2 KHANG TANGTHU NIHNATE 6:38

amaute galmatin a kitutna, galmatin a omna uh leitang ah a ngaihsutna khempeuh uh le a lungsim khempeuh uh tawh amaute kisikkikin, na teel sa khuapi le nangma min dingin ka lam sa biakinn, nangmah in amauʼ pute pate tungah na piak amauʼ leitang lam nga-in thu hong nget uh leh,

Hebru 11:16

Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Late 119:2

Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Jeremiah 11:4

Tua pen na pute na pate uh, sik haltuina meikhuk tawh a kibang Egypt gam pan a ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uh leh, note ka mi na hi ding uh a, kei pen noteʼ Pasian hi-in,

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Ezekiel 14:11

Israel mite in kei hong nusiat loh nading le a mawhna uh tawh a kinitsak loh nadingun hih bangin ka hih ding hi. Amaute pen keima mi hi ding uh a, kei pen amauteʼ Pasian ka hi ding hi. Topa Pasian ahi keimah in hih thu ka gen hi,” a hong ci hi.

Ezekiel 16:62

Nang tawh ka thuciamna ka bawl pha dinga, tua ciangin Topa ka hihna thu na hong thei ding hi.

Ezekiel 39:22

Tua khit a kipanin amauteʼ Topa Pasian ka hihna thu, Israel mite in hong thei ding uh hi.

Ezekiel 11:17

“Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawmkikin, amaute tungah Israel gam ka piakik ding hi.

Hosea 2:22

Leitung in an, leenggahzu le sathaute piangsak ding hi.