Jeremiah 24:6 - Tedim Bible Revision 2017

⁶ Amaute limtakin ka kem dinga, hih gamah ka lakik ding hi. Amaute ka khangtosak dinga, ka susia kei ding hi; ka suan dinga, ka bot khia kei ding hi.

Tedim Bible

⁶ Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

Jeremiah 24:6 Referans Kwoze

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Jeremiah 33:7

Judah mite le Israel mite ka hausakkik dinga, a nidang a a omngei bangun ka omsakkik ding hi.

Jeremiah 32:41

Amaute tungah hoihna ka bawl manin ka lungdam dinga, ka lungsim khempeuh tawh thuman takin hih gamah amaute ka phut ding hi.

Jeremiah 12:15

Ahih hangin amaute ka lakkhiat khit ciangin ka hehpihkik dinga, amauʼ luah ding amauʼ gam ciatciat uh ah ka koihkik ding hi.

Jeremiah 1:10

Gam khempeuh le kumpi khempeuhteʼ tungah a bot khia ding le a phel khia dingin ahi zongin, a susia ding le a lawn khia dingin ahi zongin, a lam ding le a phut dingin ahi zongin, tu ni-in za, nang kong pia zo hi,” hong ci hi.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Late 34:15

Topaʼ mit in thuman miteʼ lam en a, amauʼ kikona lamah a bil a ngat hi.

1 PETER MASA 3:12

Topa in a thuman mite mu a, amauteʼ thungetna pia tawntung hi. Ahi zongin a gamtat sia mite Topa in a langbawl hi,” na ci hi.

Ezekiel 36:24

Gam khempeuh le minam khempeuhte lak panin note hong kaikhawmkikin na gam uh ah kong tunpihkik ding hi.

Jeremiah 23:3

Ka mite a om lai sunteng, ka hawlkhiat nading gamte panin ka kaikhawmkik dinga, a gam uh ah ka ciahsakkik ding hi. Amaute pungin a khang ding uh hi.

Nehemiah 5:19

Pasian aw, hih mite adingin ka bawlna khempeuh kei adingin a hoih lamin hong phawk in.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

Thu-hilhkikna 11:12

Topa na Pasian un a kep leitang hi a, kum kipat a kipan kum bei dongin Topa noteʼ Pasian in tua leitang en tawntung hi.

Jeremiah 21:10

Bang hang hiam cih leh Topa in kong cih in ah, hih khuapi hoih nading hi lo, a siat nadingin ka lungsim ka khensat khinzo hi. Babylon kumpipaʼ khut sungah ka pia dinga, amah in mei tawh a hal ding hi,’ na ci ding hi.

Late 44:2

Nangmah in minam dangte na hawl khia mang a, ahih hangin amauʼ munah ka pu ka pate uh na tengsak hi. Midangte na su gawp a, ahih hangin amaute na suaktasak hi.

Jeremiah 16:15

Amaute in, ‘Leilu lam gam le eite hong hawl khiatna gam khempeuh panin Israel mite a hong kaikhawm Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piak sa, amauʼ neihsa gamah amaute ka paipih ding hi.

Jeremiah 31:4

Aw, nungak siangtho Israel aw, nang kong bawl phakik ding hi. Na khuangte na mankik dinga, a gualnuamteʼ lamna ah na va kihel ding hi.

Jeremiah 31:28

Amaute a kibetkhiat nading le a kitap zan nading ahi zongin, a kisuankhiat nading le a kisiat nading ahi zongin ka vaihawm mah bangin, Topa in ka cih in ah, amaute a kilam nading le a kiphuh nadingin ka vaihawm ding hi.

Jeremiah 33:9

Jerusalem khuapi pen kei adingin lungdamna, minphatna le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a liing ding uh hi.

Amos 9:14

Ka mi Israel-te, amauʼ gam ka tunkik dinga, a kisia a khuapite uh hoihtakin lamphakikin a sungah a teeng ding uh hi. Amaute in leenggui suanin, huan bawlin, a sunga piangte a ne ding uh hi.

Piancilna 44:21

Tua ciangin nangmah in na nasemte kiangah, ‘Ka mit tawh amah ka muh theih nadingin kei kiangah amah hong tonpih suk un,’ nong ci hi.

Isaiah 14:1

Topa in Jakob hehpihin Israel teelkik dinga, amaute pen a gam uh ah koihkik ding hi. Khual mite in amaute pawlin Jakob innkuan bel ding uh hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Jeremiah 39:12

“Jeremiah la un. Limtakin kem unla bawlsia kei un. Ama deih bangbangin na bawl un,” a ci hi.