Biblia Todo Logo
Bib sou entènèt

- Piblisite -




Jeremiah 24:10 - Tedim Bible Revision 2017

10 Namsau tawh kithahna, kialpi le pulnatnate ka tungsak dinga, amaute le a pu a pateʼ kiangah ka piak sa gam sungah khat beek ka nungtasak nawn kei ding hi,” hong ci hi.

Gade chapit la Kopi

Tedim Bible

10 Namsau tawh kithahna, kialpi leh pulnatnate ka tungsak ding a, amaute leh a pu a pate’ kianga ka piaksa gam sungah khat beek ka nungta sak nawn kei ding hi.

Gade chapit la Kopi




Jeremiah 24:10
27 Referans Kwoze  

Nang tungah siatna le maimanna, kialpi le namsau, hih thu nih hong tung zo hi. Kua in nang hong dahpih ding ahi hiam? Kua in nang hong hehnem ding ahi hiam?


Amaute kiangah hih bangin gen in: Kei pen a nungta Topa Pasian ka hih mah bangin, khuapi siate sungah a teeng mite galin si ding uh a, khuaneu ah a teeng mite khempeuh gamsate in ne ding uh hi. Dum muanhuai sung leh leihawm sungah a bute khempeuh zong pulnatna tawh si veve ding uh hi.


Khua pua lamah gal kidona om a, khua sungah cinatna le gilkialna om hi. Gamlak a om khempeuh gal sungah si ding uh a, khua sunga om khempeuh cina le gil kialin si ding uh hi.


Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.


“‘Ahih hangin gam khat peuhpeuh ahih kei leh kumpi khat peuhpeuh in Babylon kumpipa Nebukhadnezzarʼ na sem loin, Babylon kumpipaʼ hakkol a ngawng ah a puak kei leh, amah ka uk cipsak mateng namsau tawh, kialpi tawh, pulnatna tawh tua gam gim ka pia ding hi, Topa in kong ci hi.


Hih munah Judah mite le Jerusalem miteʼ ngimna ka tangtungsak kei dinga, a galte uhʼ namsau le a that nuamteʼ khutlumin amaute ka sisak ding hi. Amauʼ luanghawmte huihlak a leeng vasate le leilak ganhingteʼ an dingin ka pia ding hi.


Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlak a leeng vasate le leilak a ganhingte in a ne ding uh hi.


Amaute in, ‘Koi ah pai ding ka hi uh hiam?’ ci-in hong dot uh leh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sal a kikai dingte zong salin kikai ding uh hi,” a ci hi,’ va ci in.


Amaute le a pute a pateʼ theih ngei lohna gam dangah ka kithehthangsak dinga, a sih khit dong uh namsau ka nungdelhsak ding hi,” hong ci hi.


“Amaute in Topa hong nial uh a, ‘Amah in bangmah hih lo ding hi. Eite tungah siatna hong tung lo dinga, gal ahi zongin kial ahi zongin i thuak kei ding hi.


Ka khuadak leh sakol puang khat ka mu a, a tungah a tuang paʼ min pen Sihna hi a, a nungah Hell in a zui hi. Amaute in namsau, kialpi, pulnatna le gamsate tawh leitung mi seh li suah seh khat a thah theih nadingun thu a kipia hi.


A luah dingin na lutna uh leitang panin note hong beisak matengin note lakah pulnatna a tun nadingin Topa in bawl ding hi.


Hih khuapi sunga om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahi zongin pusuak khia-in note a hong sim Khaldea mite kiangah a lut peuhmah suakta liailiai ding uh hi.


Egypt gamah pai-in a teeng khempeuh namsau tawh ahi a, kialpi tawh ahi a, pulnatna tawh ahi zongin a si ding uh hi. Amauteʼ tungah ka tunsak ding gimna panin kuamah a suakta kei ding uh hi.


tui sunga pumpeeng a kilin mah bangin Topa in Israel mite vatin amau pute pate tungah a piak hih gam hoih panin Israel zunglot dinga, Eufratis gun gal khat ah amaute thehthang ding hi. Bang hang hiam cih leh amaute in Asherah milimte bawlin Topa a heh nadingin phin uh hi.


Tua ahih manin Vanglian Topa, Israel miteʼ Pasian in kong cih in ah: En in, hih mite gamsaai-in ka vak dinga, gu tui ka dawnsak ding hi.


An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.


En un, amaute tungah namsau tawh kithahna, kialpi le pulnatna ka tungsak dinga, amaute, a kine thei lo theigah muat ka bangsak ding hi.


Amaute, namsau, kialpi le pulnatna tawh ka nung delh dinga, ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.


“‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.


Ahih hangin Topa Pasian aw, hih khuapi Khaldea miteʼ khut sung a tung ding hi napi, nangmah in, “A hong theih pih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.


Tua ahih manin na ten nopna mun uh ah namsau tawh thahna, kial le pulnatna tawh sihna na thuak ding uh hi, ci-in tu-in tel takpi-in thei ta un,” ka ci thuah lai hi.


Tua ciangin Topa Pasian in, “Israel miteʼ gitlohna le a muhdahhuai a gamtatnate khempeuh uh hangin na khut singin lei tuan inla, a dahin kap in. Amaute gal kidona, kial le natna hangin si ding uh hi.


Swiv nou:

Piblisite


Piblisite