Jeremiah 23:6 - Tedim Bible Revision 2017

⁶ Ama hun hong tun ciangin Judah mite kihon khia dinga, Israel mite lungmuang takin a teeng ding uh hi. Amah a kilawh nadingin a min, ‘Topa, Eiteʼ Diktanna,’ ci-in a kiphuak ding hi.

Tedim Bible

⁶ Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Jeremiah 23:6 Referans Kwoze

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Jeremiah 33:16

Tua ni ciangin Judah mite kihon khia dinga, Israel mite lungmuang takin a teeng ding uh hi. Amah a kisap nadingin a min ‘Topa, Eiteʼ Diktanna,’ ci-in a kiphuak ding hi.

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

2 KORIN NIHNA 5:21

Khris tawh i kipawlna hangin eite zong Pasian tawh a kibangin midik i suah theih nadingin mawhna a nei lo Khris pen eiteʼ tang dingin Pasian in mawhnei mi a suaksak hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Zekhariah 10:6

Judah mite ka thahatsak dinga, Israel mite ka hon khia ding hi. Amaute ka khasiat dinga, inn ah ka ciahpih ding hi. Amaute cikmah hunin ka nial ngei loh bang keekin nuam takin a om ding uh hi. Kei pen Topa, amauʼ Pasian ka hi a, amauʼ thungetnate ka pia ding hi.

Zekhariah 3:10

Tua ni ciangin note khempeuh in leenggui le theikungte hau-in nuam na sa ding uh a, na veengte ciat un hong nek pihin hong lungdam pih nadingun na sam ding uh hi, Vanglian Topa in ci hi,” a ci hi.

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Obadiah 1:21

A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Obadiah 1:17

Ahih hangin Zion mualah pawl khat va tai ding uh a, tua mun pen a siangtho suak ding hi. Jakob innkuante in amauʼ gam mah luahkik ding uh hi.

Hosea 2:18

Tua ciangin, ka mite a suksiat loh nadingun gamlak a om gamsate, huihlak a leeng vasate le leitungah a bokvak ganhingte tawh thuciamna ka bawl dinga, thalte, namsaute, galhiam khempeuh, leitung panin ka phiat khia ding hi. A lungmuang hithiatin ka mite ka omsak ding hi.

Hosea 1:7

Ahi zongin Judah mite ka hehpih dinga, namsau le thal, sakol le sakol tung tuangte le galsimna tawh hi loin, amauteʼ Topa Pasian ahi kei mahmah in amaute ka hon khia ding hi,” a ci hi.

Isaiah 54:17

Nangmah do nadingin a kibawl hiam peuhmah maavang lo dinga, thukhenna sungah na langah a pang mi khempeuh na nial gawp zo ding hi. Hih thu pen Topa’ nasemteʼ gamhluah le keima kiang panin amauteʼ dikna a kilahna ahi hi, Topa in ci hi,” a ci hi.

Isaiah 35:9

Tua lai ah humpinelkai om lo dinga, sasial ne ganhing khat peuhpeuh hong pai lo ding hi. Tua lai ah ganhing lauhuaite kimu lo ding hi. Topa’ hotkhiat sa mite in tua lampi tawnin hong ciah ding uh hi.

Isaiah 45:17

Ahih hangin Topa in Israel-te hon khia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Isaiah 2:4

Amah in minamte khatlekhat kikalah thu khenin, mi tampiteʼ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

1 KUMPI MASATE 4:25

Solomonʼ hunsung khempeuh Judah le Israel lungmuang takin omin, Dan panin Beer-sheba ciang dong nangawn mi khempeuh a leenggui le a theikung nuai uh ah lungnuamin om uh hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Jeremiah 29:11

Bang hang hiam cih leh Topa in kong cih in ah, mai lamah lametna kong piak ding, note siat nading hi loin na nopsak nading uh geelna ka neihte kei bek in ka thei hi.

Jeremiah 33:15

Tua hun ciangin Davidʼ suan lak panin kumpi dingin a dik tat mi khat ka khangsak dinga, amah in gam sungah thuman tawh thu hong khen ding hi.

Ezekiel 21:27

Siacip! Siacip! Hih khuapi ka sia cimitsak dinga, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leenggui suan ding uh hi. Israel mite a simmawh minam dangte gim ka pia dinga, Israel mite ahihleh lungmuang takin om hithiat ding uh hi. Tua ciangin Topa amauʼ Pasian ka hihna thu amaute in hong thei ding uh hi,” a hong ci hi.

Ezekiel 38:14

Tua ciangin Topa Pasian in kei kiangah, “Mihing ahi Ezekiel aw, hih bangin thu gen in hong ci hi: Keima mi Israel-te lungmuang takin a om hun laitakin nangmah na kihanthawn tawm dinga,

Ezekiel 48:35

Khuapi kimkot a sauna pi tul sawm thum za nih sawm li pha a, tu a kipanin hih khuapi min pen, ‘Hih lai ah Topa om hi,’ kici ding hi,” hong ci hi.

Daniel 9:7

Topa, nang na hih leh na siangtho a, ahih hangin kote ka hih uh leh a zumhuai-in ka gamta uh hi. Judah gam le Jerusalem khua sunga teeng Israel mite khempeuh thuman lo uh ahih manin, a nai a gamla gam tuamtuam ah na thehthang zo hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Paikhiatna 9:26

Israel mite a omna Goshen gam bekah gialpi kia lo hi.

Late 45:5

Kumpipaʼ galteʼ lungtang ah na thaltang hiamte lut a, mite na nuai ah puk uh hi.

Isaiah 32:1

En un, ni khat ni ciangin thuman takin kumpi khat in hong uk dinga, uliante in thutang tawh hong uk ding uh hi.

Isaiah 32:18

Ka mihingte pen kilem takin a teenna, lungmuang takin a omna, daitakin a tawlngakna munah om ding uh hi.

Isaiah 33:5

A sangna munah teeng ahih manin Topa kipahtawi hi. Amah in thutang le thuman tawh Jerusalem dimsak ding hi.

Jeremiah 31:23

Vanglian Topa, Israel miteʼ Pasian in hong genin ah: “Keimah in amaute a gam uh ah ka omsakkik ciangin, Judah gam le a khuapite uh ah amaute in, ‘Thuman thutak a teenna mual siangtho aw, Topa in thupha hong pia tahen,’ ci-in a genkik leuleu ding uh hi.