Jeremiah 23:3 - Tedim Bible Revision 2017

³ Ka mite a om lai sunteng, ka hawlkhiat nading gamte panin ka kaikhawmkik dinga, a gam uh ah ka ciahsakkik ding hi. Amaute pungin a khang ding uh hi.

Tedim Bible

³ Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Jeremiah 23:3 Referans Kwoze

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawl khiatna gam khempeuh panin amaute ka kaikhawmkik dinga, hih munah tun pihkikin, lungmuang takin ka omsak ding hi.

Jeremiah 29:14

Topa in kong cih in ah, note in nong mu ding uh a, na saltanna uh hong beisakin, kong hawl khiatna gam khempeuh le mun khempeuh panin kong kaikhawmkik dinga, note kong lak khiatna gam mahah kong tunpihkik ding hi, Topa in kong ci hi.

Jeremiah 30:3

Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Ezekiel 11:17

“Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawmkikin, amaute tungah Israel gam ka piakik ding hi.

Jeremiah 31:8

En un, keimah in leilu lam gam panin amaute ka la dinga, leitung a gamla pen mun panin ka kaikhawm ding hi. Mittawte le khebaite zong hong kihel ding uh a, nupi gaite le nausuak ding numeite a kipan hih lai munah mihonpi hong ciahkik ding uh hi.

Late 106:47

Topa, koteʼ Pasian aw, kote hong hon inla, nangma min siangtho kong phat theih nading uh le nangma tungah lungdamna kong koh theih nadingun minam dangteʼ lak panin kote hong kaikhawmkik in.

Ezekiel 36:24

Gam khempeuh le minam khempeuhte lak panin note hong kaikhawmkikin na gam uh ah kong tunpihkik ding hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak dinga, tuuhonpi bangin Israel mite ka tamsak ding hi.

Micah 7:12

Nisuahna lam Assiria gam pan hitaleh, leitaw lam Egypt gam pan hitaleh, a gamlapi tuipi khen pan le a gamlapi mualte - mun khempeuh panin na mite uh hong ciahkik ding uh hi.

Jeremiah 8:3

Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Jeremiah 31:7

Bang hang hiam cih leh Topa in kong cih in ah, “Jakob adingin lungdamna tawh ngaih takin la sa unla, gam khempeuh lakah gam lian pen adingin kiko-in awng un. ‘Topa in Israel mi a omlaite, ama mite hong hon khia khinzo hi,’ ci-in taangko unla phat un.

Jeremiah 46:27

Ahih hangin lau kei un, ka nasem pa Jakobʼ suante aw. Patau kei un, Israel mite aw. Bang hang hiam cih leh gamlapi panin note kong hon khia dinga, na suanlekhakte uh saltanna gam panin kong hon khia ding hi. Jakobʼ suante hong ciahkik ding uh a, nuam takin a om ding uh hi. Kuamah in amaute a lausak nawn kei ding hi.

Siampi Laibu 26:9

Keimah in note ka hong pi ngaihsut dinga, note hong pungsakin, tampi kong phasak dinga, note tawh ka thuciamna ka kipsak ding hi.

Jeremiah 16:15

Amaute in, ‘Leilu lam gam le eite hong hawl khiatna gam khempeuh panin Israel mite a hong kaikhawm Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piak sa, amauʼ neihsa gamah amaute ka paipih ding hi.

Jeremiah 50:19

Israel mite a omnasa mun mahah ka omsakkik dinga, Karmel le Bashan mual, Efraim mual le Gilead mualah a piang ante lungkim takin a ne ding uh hi.

Ezekiel 36:11

A mihing a ganhingin kong pungsak dinga, a nidang sangin tam na pha zaw ding uh hi. Ta tampi tak na nei ding uh hi. Nidangin na omngei bangun kong omsakkik dinga, a nidang sangin a cithei zaw-in kong bawl ding hi. Tua ciangin Topa ka hihna thu na hong thei ding uh hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.