Jeremiah 23:21 - Tedim Bible Revision 2017

²¹ Topa in, “Keimah in sawl khia lo napi-in tua kamsangte kuan khia teitei uh hi. Thu bangmah ka gen lohpi, keiʼ min paulamin thu a gen mawkmawk uh hi.

Tedim Bible

²¹ Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Jeremiah 23:21 Referans Kwoze

Jeremiah 14:14

Tua ciangin Topa in, “Tua kamsangte in keiʼ min suangin zuau thu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna le amauʼ ngaihsut tawm thute ahi hi.

Jeremiah 27:15

Topa in kong cih in ah, ‘Keimah in amaute ka sawl kei hi. Ahih hangin amaute in keiʼ min tawh a man lopi-in thu hilh uh a, tua hangin note le noteʼ kiangah thu hong hilh kamsangte kong sawl khia khawm dinga, na si ding uh hi,’ ci hi,” ci-in ka gen hi.

Jeremiah 23:32

En un, Topa in kong genin ah, ka sawl lohpi zuau mang manin tua thu hilh a, a zuau thu uh le a kiphatsakna uh tawh ka mite lam a khialhpih miteʼ lang khat ah kei ka pang hi. Ka mite adingin amaute a kimanna uh themkha beek om lo hi, Topa in kong ci hi.

Sawltak 13:4

Kha Siangthoʼ sawlna mah bangin Seleusia khua ah pai suk uh a, tua khua panin teembaw tuangin Saipras tuikulh ah a pai uh hi.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Jeremiah 29:31

“Saltang mi khempeuhteʼ kiangah Nehelam khuami Shemaiah tawh kisai-in Topaʼ thugenna hih bangin zasak in: Kong sawl lohpi Shemaiah in note kiangah thu hong gen a, zuau thu hong umsak ahih manin,

Jeremiah 29:9

Bang hang hiam cih leh ka min tawh no tungah hong gen uh thute zuau thu hi a, ka sawl lohpi ahi uh hi, Topa in ci hi.

Jeremiah 28:15

Tua ciangin kei zong kamsang Hananiahʼ kiangah, “Na ngai in, Hananiah! Topa in nang hong sawl lohpi, hih mite zuau thu na umsak hi.

Isaiah 6:8

Tua ciangin, “Kua sawl dinga, eite adingin kua va pai ding ahi hiam?” Topaʼ cihna aw ka za hi. Tua ciangin keʼn, “Hih lai ah kei om ing! Kei hong sawl in,” ka ci hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Jeremiah 27:14

Babylon kumpipaʼ na sem kei un, ci-in noteʼ kiang a hong gen kamsangteʼ thugennate um kei un. Bang hang hiam cih leh noteʼ kiang a hong gen uh thu pen zuau thu ahi hi.

Jeremiah 29:8

Vanglian Topa, Israel miteʼ Pasian in kong genin ah: Noteʼ lakah a om na kamsangte uh le na aisan theite uhʼ khem sa-in ta kei unla, a mangmat hong gente uh na ngai kei un.