Jeremiah 23:12 - Tedim Bible Revision 2017

¹² Tua ahih manin amauteʼ lampi pen khuamial lak lamnal hi dinga, amaute kinot khia gawpin a tuk ding uh hi. Bang hang hiam cih leh amauteʼ gimthuak ding hun hong tun ciangin amaute tungah gimna ka tungsak ding hi, Topa in kong ci hi.

Tedim Bible

¹² Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

Jeremiah 23:12 Referans Kwoze

Jeremiah 13:16

Topa in khua mialsak a, khua mialna mual tungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Paunak 4:19

Migiloteʼ lampi ahihleh zan khuamial bangin mial a, amaute a tuksak, a suih khakte nangawn mu thei lo uh hi.

Late 35:6

Topaʼ vantungmiʼ delhna ah a taina lampi uh mialin nalsak in.

Johan 12:35

Jesu in, “Note kiangah tawmvei sung khuavak hong om lai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

Isaiah 8:22

Amaute in leilak a et suk hangun, lungkhamna le khua mialna, lungzing a gimna bek om hi. Khuamial ngeungau sungah amaute kihawl khia ding hi.

Late 73:18

Nangmah in amaute mun nalna ah na koih takpi dinga, a sia dingin amaute na tuksak ding hi.

Paikhiatna 32:34

Ahih hangin tu-in pai in; nangʼ tunga kong gen sa munah mite paipih in. En in, na mai ah ka vantungmi pai ding hi. Ahi zongin ka thukkik ni ciangin amauʼ khialhna amauʼ tungah ka thuk ding hi,” a ci hi.

Juda 1:13

a sepna uh tawh amau mahʼ maizum nading a piangsak tuipi hualte le Pasian in amauteʼ om nadingin lei sung khuamial thukpi a koihsak tawntung, a lampial aksite tawh kibang bek uh hi.

1 JOHAN MASA 2:11

Ahi zongin a Khristian mipihte a mudah mite pen khuamial sungah omin khuamial gamtatna a gamta uh hi a, tua khuamial in bangmah ngaihsunsak thei lo ahih manin a gamtat nading mel uh thei lo uh hi.

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Jeremiah 48:44

Lauhuaina pan a taisim mite dum sungah a kia ding hi. Dum sung panin a hong kah khiato mite, thang ah a awk veve ding hi. Bang hang hiam cih leh Moab gim ka piak ni-in hih thute ka tungsak ding hi, Topa in kong ci hi.

JOB (Job) 18:18

A nungtateʼ gam panin amah kihawl khia dinga, khuavakna mun panin khuamialna ah kihawl khia ding hi.

Thu-hilhkikna 32:35

Phulakna le thukkikna kei aʼ hi a, a hun ciangin amaute puk ding uh hi. Bang hang hiam cih leh amauʼ gim ngah hun ding hong nai ta a, amauʼ siat nading hong tung pah hi.

Late 82:5

Amaute in thutheihna ahi a, thutelna ahi zongin bangmah nei lo uh a, khuamial sungah gamta uh ahih manin leitung bulpite khempeuh a kiliing gawp hi.

Kah la 2:20

Topa aw hong en in. Na bawlsiat mite hong en dih in. Nupite in a it mahmah uh a tate uhʼ sa ne tanghial uh hi. Siampite le kamsangte in biakinnpi sung mahmah ah thahna thuak uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.