Jeremiah 22:6 - Tedim Bible Revision 2017

⁶ Bang hang hiam cih leh Judah kumpi inn tawh kisai-in Topa in kong cih in ah: Nang pen Gilead gam ahi a, Lebanon mual bangin ahi zongin na hoih mahmah hi. Ahih hangin nang sehnel gam kong suaksak dinga, kuamah a ten lohna khua kong suaksak ding hi.

Tedim Bible

⁶ Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Jeremiah 22:6 Referans Kwoze

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Piancilna 37:25

Tua ciangin amaute an ne dingin tu uh hi. A khuadak uh leh Gilead panin Ishmael mite a kalaohte uh tawh singnai, lingsi le myrrh paknamtui pua-in Egypt ah puak suk dingin a pai mu uh hi.

Jeremiah 22:24

Topa in Jehoiakim tapa Judah kumpipa Jehoiakhin tungah, “Kei a nungta Pasian ka hih mah bangin, nangmah in ka taklam khut ah a om ka letmatthuhna tawh a kibang na hih hangin nang kong la khia dinga,

Jeremiah 21:14

Na gamtatna tawh kizui-in gimna kong pia ding hi, Topa in kong ci hi. Tu lak a sing hoihte tawh a kilam na kumpi innte uh mei tawh kihal dinga, a kimkot khempeuh ka kaang tumsak ding hi,” a ci hi.

Jeremiah 21:11

“Judah kumpiteʼ innkuan tungah hih bangin va gen in: Davidʼ suante aw, Topaʼ kammal ngai dih un. Topa in a cih in ah: Zingsang simin mantakin thu khen unla, mi bawlsia paʼ khut sung pan a bawlsiat pa hon khia un. Tua bang na hih kei uh leh siatna na bawlnate hangun mei bangin ka hehna hong kuang dinga, kuamah in a phelh zo kei ding hi.

Jeremiah 4:20

Siatna khat khit ciangin a dang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikek gawp hi.

Solomon la 5:15

A khete pen kham citak a kiphuh dimdiamna suangngo khuamte tawh kibang a, ama duang pen Lebanon mual sang, taamtak kung hoih bangin thupi suak mahmah hi.

Thu-hilhkikna 3:25

Kei hong paisak inla, Jordan gal khat a om gam hoih, tua mual tung gam hoih le Lebanon hong musak in, ci-in kong thum hi,’ ka ci hi.

Gamlak-vakna 32:1

Reuben minamte le Gad minamte in ganhing hon tampi nei uh hi. Amaute in Jazer gam le Gilead gam a muh uh ciangin gan khawi nading munin hoih sa mahmah uh hi.

Solomon la 4:1

Itluat aw, na ngaihbaang a, na lu khuhna puan vang panin a ngaihbaang na mit hong tee kelkel hi. Gilead mual tunga keel hon diang leklek bangin na samphekte phe velvel hi.

Jeremiah 50:12

na nu uh Babylon khuapi maizum dinga, noteʼ pianna na nu uh a mindai ding hi. En un, na gam uh gam khempeuh lakah a gina lo pen hi dinga, lei keu, gamlak, sehnel gam a suak ding hi.

Zekhariah 11:1

Lebanon aw, mei in na taamtak kungte a kat theih nadingin na kongpite hong in.

Isaiah 37:24

Nangmah in na nasem pa zangin Topa na zahko a, Lebanon mual dong pek, mual sangte tungah ka leeng tampite tawh ka pai khin hi. Taamtak sing a sang pente, taksing hoih pente ka phuk khin hi. A sang pen mun, tulak a thuk penna munah ka pai khin hi.

Jeremiah 4:7

Humpinelkai khat a bukna sawlkawm panin hong kuan khia zo a, gamte a susia ding pa hong paikhia zo hi. Na gam uh a kisiasak ding le na khuapite uh ah kuamah a ten loh nadingin a susia dingin ama omna panin hong kuan khia khinzo hi.

Jeremiah 8:22

Gilead ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?