Jeremiah 22:5 - Tedim Bible Revision 2017

⁵ Ahih hangin note in hih thute na zuih kei uh leh keimah Topa in kong genin ah, hih inn gamlak a suaksak dingin ka kiciam hi.

Tedim Bible

⁵ Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.

Jeremiah 22:5 Referans Kwoze

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.

Hebru 6:13

Pasian in Abrahamʼ tungah thu a ciam ciangin a tunsak takpi ding bek thu a ciam hi. Thu a ciam ciangin zong amah sangin a lian zaw kuamah om nawn lo ahih manin ama min tawh thu ciam a,

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite ah van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin kaang tum dinga, a mei a kiphelh zo kei ding hi,’ va ci in,” hong ci hi.

Piancilna 22:16

“Kei mahmah ka kiciam hi, Topa in ci hi. Bang hang hiam cih leh nang in hih thu na bawl khin a, na tapa neihsun na humcip kei hi.

Jeremiah 39:8

Babylon mite in kumpipaʼ inn le midangteʼ innte hal uh a, Jerusalem khua kulhpi a susia uh hi.

Isaiah 1:20

Ahih hangin note in kei hong nialin na hong lehdo uh leh namsau in note hong vatmai ding hi. Bang hang hiam cih leh Topa in hih thu gen khinzo hi,” a ci hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Hebru 3:18

Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cihnopna ahi hiam? Amah a lehdote a cihna ahi hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Late 95:11

Tua ahih ciangin keima nopsakna munah amaute a lut lo dingin sin so kawmin ka kiciam hi.

2 KHANG TANGTHU NIHNATE 7:22

Tua ciangin amaute in, ‘Bang hang hiam cih leh Egypt gam panin amaute a paikhiatpih a pu a pate uh Pasian ahi Topa amaute in nusia uh a, pasian dangte pom uh a, tuate bia-in a na sem uh hi. Tua ahih ciangin amah in hih bang siatna khempeuh amaute tungah tungsak hi,’ ci ding uh hi,” a ci hi.

2 KHANG TANGTHU NIHNATE 7:19

Ahih hangin note kihei-in, na mai uh ah ka koih sa ka thukhamte le ka thupiaknate nusia a, pai-in pasian dangteʼ na semin tuate na biak uh leh,

Mattiu 23:38

Tu-in na innte kisusiacip ding hi.

Jeremiah 26:4

Nangmah in amaute kiangah, ‘Topa in hih bangin ci hi: Note in ka thu hong ngai loin, note mai-a kong lah sa ka thukham bangin na gamtat kei uh a,

Jeremiah 44:26

Ahih hangin Egypt gamah a om no Judah mite aw, Topaʼ thugenna hong ngai un. En un, Topa in kong cih in ah, Egypt gamah a om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khinzo hi.

2 KHANG TANGTHU NIHNATE 7:21

“Tua ciangin a minthang sa hih biakinn a nawk kha khempeuh in lamdang sa-in, ‘Bang hangin hih bangin Topa in hih gam le hih biakinn bawl ahi hiam?’ ci ding uh hi.

Jeremiah 12:7

Tua ciangin Topa in, “Ka inn ka nusia khin a, ka luah sa mite ka pai mang ta hi. Ka it mahmah ka mite, a galte uhʼ khut sungah ka pia ta hi.