Jeremiah 22:3 - Tedim Bible Revision 2017

³ Topa in a cih in ah, thumanin dik tat unla, a bawlsiateʼ khut sung panin bawlsiatna a thuak mite hon khia un. Minam dangte, pa nei lote le meigongte simmawh bawl kha loin amauʼ tungah ngongtat kei unla, hih munah zong mawhna nei lo mite that kei un.

Tedim Bible

³ Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Jeremiah 22:3 Referans Kwoze

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sa pa ka hihna thu hong theihna uh ah kisathei uh hen. Topa in hih thu kong gen khin hi,” a ci hi.

Jeremiah 5:28

Gitlohna lamah a hun bek a theithei kei uh hi. Tagah miteʼ phattuam nading khual loin thu a man lopi-in khen uh a, mizawngteʼ tungah thuman lo uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Paunak 23:10

Tanglai gisuang khiin kei unla, tagahteʼ leitang va keek kei un.

Late 68:5

Pa nei loteʼ pa le meigong numeite a hupa pen, a siangtho mahmah ama omna ah a om Pasian ahi hi.

Thu-hilhkikna 24:7

“Mi khat in Israel mi a sanggamte khat gu-in, amah in sila bangin a bawl ahi a, a zuak ahi zongin a kimuh leh, tua guta pa kithat ding hi. Tua bangin noteʼ lak panin siatna na siangsak ding uh hi.

Jeremiah 26:16

Tua ciangin kumpi uliante le mi khempeuhte in siampite le kamsangte tungah, “Hih pa in eiteʼ Topa Pasianʼ min tawh thu hong gen ahih manin thah ding kilawm lo hi,” a ci uh hi.

Paunak 6:17

kihihsakna, zuau thu genna, mawhnei lo mi thahna,

Late 94:21

Amaute in thuman mihoihte thah sawm uh a, a mawhbaang lo mite sihna thuaksak uh hi.

Late 94:6

Amaute in meigong numeite le khual mite that lumin pa nei lote suam lum uh hi.

JOB (Job) 24:9

“Migilote in pa nei nawn lo naupangte sila-in nei uh a, mizawngteʼ tate leiba tangin a la uh hi.

JOB (Job) 22:9

Meigongte a huh nuam lo ciang bek hi loin, mi tagahte bawlsia-in a neihsa uh na sut hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Thu-hilhkikna 27:19

“‘Peemta, pa nei lo le meigong numeite ading thutang a heikhiatsak mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thu-hilhkikna 25:1

“Mite kikalah thu kineihna om a, thukhen zumah amaute pai-in, thukhente in amauʼ thu khensakin, a dikpa khahin a mawh pa lelsak a,

Thu-hilhkikna 10:18

Amah in pa nei lote le meigong numeite adingin thutang semin, peemtate itin an le puan a pia hi.

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte lang gen loin, a lianteʼ thu zui loin, thumanna tawh na veengte uh thu na khen ding uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

Paikhiatna 22:21

“Khualmi khatpeuh na bawlsia kei ding uh a, na nengniam kei ding uh hi. Bang hang hiam cih leh note zong Egypt leitang ah khual mite na hi ngei uh hi.

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.

Isaiah 58:7

Na an uh a gilkialte tawh nekhawm unla, inn nei lo a zawngte na inn sung uh ah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpiteʼ theih ngei loh pasian dangteʼ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Kah la 3:36

zum thukhenna ah a manin thu a kikhen loh ciangin, amah in a hong thei veve hi.

Ezekiel 18:12

Mizawng mi cimawhte khemin, miʼ na sut a, sum leitawi a lapa in khapna-in a piak nate piakik loin kem suak hi. Milim bia-in a zumhuai-in gamta hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sauvei zo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amauʼ leitang panun ka mite not khia nawn kei un. Topa Pasian keimah in hih thu kong gen hi.

Amos 5:24

Thutang, tui bangin luang khiasak unla, thuman, a kang ngei lo tui bangin luangsak un.

Thu-hilhkikna 24:17

“Peemtaʼ thu ahi a, pa nei lo miʼ thu ahi zongin tuate ading thutang na heisak kei ding uh a, meigong numeiʼ puan zong khapna-in na laksak kei ding uh hi.

Late 82:4

A gina lo mite le a cimawh mite hon unla, migiloteʼ khut sung panin amaute hon khia un,” a ci hi.

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.