Jeremiah 22:2 - Tedim Bible Revision 2017

² David tokhom tungah a tu Judah kumpipa aw, nang le na nasemte a kipan hih kongpi ah a hong lut na gam mite khempeuh in Topaʼ kammal ngai dih un.

Tedim Bible

² David’ tokhom tunga tu Judah kumpipa aw, nang leh na nasemte akipan hih kongpi-a hong lut na gammite khempeuh in Topa kammal ngai dih un.

Jeremiah 22:2 Referans Kwoze

Luka 1:32

Amah mi lian hi dinga, A Lianpen Pasianʼ Tapa kici ding hi. Topa Pasian in ama pu David mah bangin kumpi-in bawl dinga,

Jeremiah 22:4

Bang hang hiam cih leh note in hih thute na zuih takpi uh leh Davidʼ suante kumpi suak tawntung ding uh a, amaute a kipan a nasemte uh le a mite uh sakol leeng le sakol tungah tuangin hih inn kongpite ah hong lut ding uh hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Isaiah 1:10

Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

Amos 7:16

Tu-in Topaʼ thugen ngai in. Israel miteʼ lang khat ah thu ka gen ding na hong kho a, Isaacʼ suanlekhakteʼ lang khat ah thu ka gen ding na hong kham hi.

Ezekiel 34:7

“Tua ahih manin no tuucingte aw, Topa ahi keima thugen ngai un:

Jeremiah 36:30

Tua ahih ciangin Judah kumpipa Jehoiakimʼ thu tawh kisai-in Topa in kong genin ah, amah in David tokhom tunga tu ding suanlekhak a nei kei dinga, ama luanghawm pen sun laitakin nisaʼ kap ding le zan laitakin vukngoʼ tuam dingin kipaidak ding hi.

Jeremiah 29:20

Jerusalem khua panin Babylon khua ah kong puakkhiat, no saltangte khempeuh aw, Topaʼ kammal ngai dih un:

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuak suk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Jeremiah 7:2

“Topaʼ biakinn kongkhakpi kiangah ding inla, hih thu teng va taangko in: Topa a bia dingin kongkhak sunga hong tum Judah mite aw, Topaʼ kammal ngai dih un.

Isaiah 28:14

Tua ahih ciangin Jerusalem khua sungah hih mite a uk, a kiphasak no uliante aw, Topa’ thu za un!

1 KUMPI MASATE 22:19

Tua ciangin Mikaiah in, “Tua ahih ciangin Topaʼ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Jeremiah 22:1

Topa in kei hong hopih a, “Judah kumpipaʼ inn ah va pai suk inla, hih bangin va gen in.

Jeremiah 34:2

“Topa, Israel miteʼ Pasian in kong cih in ah: Judah kumpipa Zedekiah kiangah pai inla, hih bangin va gen in: ‘Topa in hong genin ah: En in, keimah in Babylon kumpipaʼ khut sungah hih khuapi ka pia dinga, amah in mei tawh a hal ding hi.