Jeremiah 22:13 - Tedim Bible Revision 2017

¹³ Thuman lopi-in inn lam a, zuau thu tawh inn dei tungnung a lam mi, ama na a mawkna-in a inn veengte a semsak mi, thaman a pia lo mi in gimna thuak tahen.

Tedim Bible

¹³ Thumanlo pi-a inn lam a, zuauthu tawh in dei tungnung a lam mi, a mawkna-a ama’ na a innvengte a semsak mi, a thaman a pia lo mi in gimna thuak ta hen.

Jeremiah 22:13 Referans Kwoze

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Micah 3:10

Mi thahna le thuman lohna tawh, Pasianʼ khuapi, Jerusalem na lam uh hi.

Siampi Laibu 19:13

“Note in na veengte uh na nengniam kei ding uh a, a na na sut kei ding uh hi. A kicial nasem paʼ thaman pen a zingsang dong zan tawntung na kemcip kei ding uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Jeremiah 22:18

Tua ahih manin Judah kumpipa Josiahʼ tapa Jehoiakim thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-in a sih ciangun a kikah bangun amah a sih ciangin a kah kei ding uh a, ‘Topa aw, kumpipa aw,’ ci-in zong a kah kei ding uh hi.

2 KHANG TANGTHU NIHNATE 36:4

Tua ciangin Egypt kumpipa in Judah le Jerusalem tungah a ukin Jehoahazʼ sanggampa Eliakim koih a, ama min Jehoiakim-in kheelsak hi. Ahih hangin Neko in a sanggampa Jehoahaz la-in Egypt ah a paipih hi.

2 KHANG TANGTHU NIHNATE 36:5

Jehoiakim in uk ding a kipatin kum sawm nih le nga pha a, amah in Jerusalem ah kum sawm le kum khat sung uk hi. Topa a Pasian mai ah amah a sia gamta hi.

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khan lai-in a neihsa teng taan dinga, a tawpna ah mi haipi a suak ding hi.

Thu-hilhkikna 15:13

Na kiang panin a suakta-in na pai khiatsak ciangin khuthawm guakin na paisak kei ding hi.

JOB (Job) 31:39

tua leitang a piang ante ka nek a, tua lo a khote a puksi-in ka omsak taak leh,

Habakkuk 2:12

Note in mi thahna tawh khuapi satin, mawhna tawh khuapi phut na hih manun gimna na ngah ding uh hi.