Jeremiah 21:13 - Tedim Bible Revision 2017

¹³ Mualkuam zang pan kilaam to a, zanglei lak a suangtum bangin a sang to Jerusalem aw, Topa in kong cih in ah, na lang khat ah ka pang ding hi. Nangmah in, ‘Kua in kei hong sim suk dinga, ka omna ah kua hong lut ding ahi hiam?’ na ci hi.

Tedim Bible

¹³ “Mualkuam zang pan kilam to a, zanglei laka suangtum banga sang to Jerusalem aw, Topa in kong cih-inah, nang’ lang khatah ka pang hi. Nangmah in, ‘Kua in kei hong simsuk ding a, i omna-ah kua hong lut ding hiam?’ na ci hi.

Jeremiah 21:13 Referans Kwoze

Ezekiel 13:8

Tua ahih ciangin Topa Pasian in amaute kiangah, “Na thugente uh zuaupi hi a, na maangmuhnate uh zuaupi ahi hi. Tua ahih manin note kong langpan hi.

Kah la 4:12

Namdangteʼ gam ukte le mi khempeuh Jerusalem a sim zo ding kuamah om lo ding hi, ci-in a up laitakun hih thu hong piang hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Jeremiah 50:31

En in, a Vanglian Topa Pasian in kong cih in ah: Nang a kisathei Babylon aw, nang kong langpan hi. Bang hang hiam cih leh nang gim kong piak hun ding na ni hong tung zo ta hi.

Late 125:2

Jerusalem kimkot ah mualte a om mah bangin ama miteʼ kimkot ah tu-a kipan a tawntungin Topa om ding hi.

Jeremiah 49:16

Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teeng a, mual sang tungah na teeng hi. Muvanlai bu zahin sangpi-in na ten hangin tua lai mun panin kong la khia suk veve ding hi, Topa in kong ci hi.

Jeremiah 21:5

Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Jeremiah 51:25

“En in, mualpi bangin lian a, leitung khempeuh a susia zo Babylon aw, nang kong langpan hi, Topa in kong ci hi. Keimah in nangʼ lang khat ah ka khut ka zan dinga, mual dawn panin nang hong khuk khia-in, kong kaang tumsak ding hi.

Jeremiah 7:4

‘A muanhuai sungah i om hi. Hih pen Topaʼ biakinn ahi hi, Topaʼ biakinn ahi hi, Topaʼ biakinn ahi hi,’ a kicici zuauthute um kei un.

Paikhiatna 13:8

Tua ni-in na tate uh kiangah, ‘Egypt panin ka paikhiat lai-un Topa in ko aʼ dinga hong hihsakna hang hi,’ ci-in na gen ding uh hi.

Paikhiatna 13:20

Sukkoth panin amaute pai lai uh a, sehnel gam nawl, Etham ah giahphual sat uh hi.

Ezekiel 5:8

Tua ahih manin Topa Pasian ahi keimah in nang kong langpanna thu a hong gen ka hi hi. Minam dang khempeuhteʼ muhin nang tungah thu kong khen ding hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan hi. Ka namsau dokin note a sia a pha a kibangin kong that mangkhin ding hi.

Ezekiel 34:10

Topa Pasian ahi keimah, noteʼ lang ka hihna thu tu-in kong pulak hi. Noteʼ khut sung panin ka tuute ka la dinga, tuute don loin note bek a kidon no tuucingteʼ khut sungah ka tuute ka omsakkik nawn kei ding hi. Noteʼ khut sung panin ka tuute ka hon khia dinga, ka tuute, noteʼ nekin ka omsak nawn kei ding hi.

Nahum 2:13

Vanglian Topa in hih bangin ci hi: “Kei pen noteʼ gal ka hi a, na sakol leengte uh ka hal tum ding hi. Na humpinelkai note uh namsau in vatmai dinga, midangteʼ na na suh teng uh ka susia mangkhin ding hi. Na taangmite uhʼ awging koi mahah kiza nawn lo ding hi,” ci hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uh ah na bawl uh mawhnate hangin na neih na lam uh le na sum na paite uh, na galte uh ka tuah mangsak ding hi.