Jeremiah 20:4 - Tedim Bible Revision 2017

⁴ Bang hang hiam cih leh Topa in hong cih in ah, ‘En in, keimah in nang le na lawmteʼ lau nadingin nang kong bawl ding hi. Babylon kumpipaʼ khut sungah Judah gam khempeuh ka pia ding hi. Amah in sal dingin amaute Babylon khua ah paipih dinga, namsau tawh a that lum ding hi.

Tedim Bible

⁴ Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Jeremiah 20:4 Referans Kwoze

Jeremiah 29:21

“Vanglian Topa, Israel miteʼ Pasian in, keiʼ min tawh note kiangah zuau thu a hong hilh Kolaiahʼ tapa Ahab le Maaseiahʼ tapa Zedekiah te tawh kisai-in kong genin ah: En un, keimah in amaute Babylon kumpipa Nebukhadnezzarʼ khut sungah ka pia dinga, amah in noteʼ muhin amaute a that lum ding hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 52:27

Babylon kumpipa in zong Hamath gam Riblah khua ah amaute satin a that lum hi. Tu-a bangin Judah mite a gam panun sal dingin a kila khia hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 6:25

Gamlak ah paikhia kei unla, lampi ah zong pai dah un. Bang hang hiam cih leh i galte in namsau tawi uh a, i kimkot khempeuh a lauhuai hi.

Late 73:19

Tomno sungin amaute kisusia-in, lau mahmahna in amaute nil khia mang ding hi.

2 KUMPI NIHNATE 25:7

Amaute in Zedekiahʼ muhna ah a tapate thatin, Zedekiahʼ mitte khel khia uh a, amah kol bulhin Babylon ah a paipih uh hi.

1 SAMUEL MASA 2:33

Ka biakna tau panin ka suksiat loh na suante khat pen mit lawt dongin a kap ding le a lunggim dingin kikoih ding hi. Tua ciangin na inn sung panin a khang khempeuh, miteʼ namsau tawh si ding uh hi.

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Jeremiah 13:19

Negeb gam a om khua kongpite lah kikhak a, kuamah lut thei nawn lo hi. Judah mite zong salin kikai a, a vekun sal suak khin uh hi,” hong ci hi.

Jeremiah 20:6

Pashhur aw, nang le na inn sung uh a omte khempeuh sal dingin Babylon khua ah na pai ding uh a, tua lai munah nang na si ding hi. Nang a kipan a man lopi a na thuhilh a ngai na lawmte khempeuh hong kivui ding uh hi,” a ci hi.

Jeremiah 46:5

“A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!

Jeremiah 52:24

Kumpi cing galkap mangpa in siampi lianpen pa Seraiah, siampi lian a nihna Zefaniah le kongpi uk biakinn upa thum a paikhiatpih hi.