Jeremiah 20:3 - Tedim Bible Revision 2017

³ A zing ciangin Pashhur in a kolbulhna panin Jeremiah a khah khit ciangin Jeremiah in, “Topa in nang, Pashhur ci-in hong sam nawn lo a, ‘Mun Khempeuh ah Launa,’ ci-in hong sam ta hi.

Tedim Bible

³ A zing ciangin Pashhur in a kol bulhna panin Jeremiah a khahkik ciangin Jeremiah in, “Topa in nang Pashhur ci-in hong sam nawn lo a, Mun khempeuhah Launa ci-in hong sam ta hi.

Jeremiah 20:3 Referans Kwoze

Jeremiah 20:10

Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Kah la 2:22

Kei a hong dipkuasak dingin ka galte pen pawi siim ding bangin na sam a, amaute in hong umcih uh hi. Nangma heh ni-in a suakta zo khat beek a om kei hi. Ka hawmthawh ka it ka tate a hong thahsak uh hi.

Jeremiah 46:5

“A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!

Late 31:13

Ka galteʼ kihuauna ka za a, ka kiim ka pam ah launa om hi. Kei hong langpangin amaute in vaihawm khawm a, thah dingin kei hong sawm uh hi.

Jeremiah 6:25

Gamlak ah paikhia kei unla, lampi ah zong pai dah un. Bang hang hiam cih leh i galte in namsau tawi uh a, i kimkot khempeuh a lauhuai hi.

Isaiah 8:3

Tua ciangin ka zi tawh ka lum khawm a, amah gai-in tapa khat hong nei hi. Tua ciangin Topa in ka tungah, “Ama min pen Maher-shalal-hash-baz, ci-in phuak in.

Sawltak 16:30

Tua ciangin amaute pusuah pih a, “Tote aw, hotkhiatna ka ngah nadingin bangci gamtat ding ka hi hiam?” ci-in a dong hi.

Jeremiah 29:29

Siampipa Zefaniah in hih laikhak kei kiangah hong sim khia hi.

Jeremiah 19:6

Tua ahih manin, en un, Topa in kong cih in ah, hih mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kici zaw ding hi.

Jeremiah 19:2

nisuahna lam kongpi gei, Hinnom kuam ah pai-in, kong gen thute tua lai ah va taangko in.

Jeremiah 7:32

Tua ahih manin en un, Topa in kong cih in ah, tua mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kici zaw ding hi; bang hang hiam cih leh Tofeth munah mun awng a om nawn lo zah dongin misite a kivui ding hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Piancilna 17:15

Tua ciangin Pasian in Abrahamʼ kiangah, “Na zi Sarai ahihleh, ama min Sarai na ci nawn kei dinga, ama min Sarah hi ding hi.

Piancilna 17:5

Na min Abram hi nawn lo dinga, Abraham hi ding hi. Bang hang hiam cih leh minam honpiteʼ pa-in nang kong bawl khin hi.

Ezekiel 13:9

Zuau thu tawh maang mu kineihin, mite a khialh theih nadingin zuau thu a gen khol no kamsangte gim a hong pia ding ka hi ta hi. Ka mite a kikhop uh ciangin tuate lakah na kihel kei ding uh a, Israel miteʼ min a kigelhna lakah noteʼ min kigelh lo ding hi. Na gam uh ah na ciahkik ngei nawn kei ding uh hi. Tua ciangin Topa Pasian ka hihna thu na hong thei ding uh hi.