Jeremiah 20:2 - Tedim Bible Revision 2017

² Tua ciangin Pashhur in kamsang Jeremiah sat a, Benjamin Kongpi saknung gei, Topaʼ biakinn sungah kol a bulh hi.

Tedim Bible

² Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Jeremiah 20:2 Referans Kwoze

Jeremiah 37:13

Benjamin Kongpi ka tun ciangin Shelemiahʼ tapa, Hananiahʼ tupa Irijah a kici kongcing pa in kei kiangah, “Nang Babylon miteʼ lamah a taisim ding na hi hi,” ci-in a hong man hi.

Zekhariah 14:10

Leilu lam Geba khua panin leitaw lam Rimmon khua dong, leitung khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om dinga, Benjamin Kongpi pan a kipan nidang a kongpi a omnasa Kiu Kongpi dong le Hananel Tausang panin kumpipaʼ leenggah cilna phual ciang dong a ban ding hi.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh a gimsak hi.

Jeremiah 36:26

Tua ciangin kumpipa in kumpipaʼ tapa Jerahmeel pen Azrielʼ tapa Seraiah le Abdeelʼ tapa Shelemiah tawh, ka lai-at Baruk le keimah a man dingin thu a pia hi. Ahih hangin Topa in ko tegel a hong seelsim hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.

2 KHANG TANGTHU NIHNATE 24:21

Ahih hangin amaute in amah sawm sim uh a, kumpipaʼ thupiakna tawh amaute in Topaʼ biakinn tual ah suang tawh amah deng lum uh hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

Mangmuhna 17:6

Tua ciangin mi siangthote le Jesu tungah a cihtak uh manin a kithat miteʼ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:18

Tua ahih manin sawltakte manin thong sungah a khum uh hi.

Sawltak 4:3

Tua ahih manin amau tegel man uh a, ni tum kuan ta ahih manin a zing ciang dong thong sungah a khum uh hi.

Mattiu 21:35

Lo khawhlawhte in a nasemte na manin khat na sat gawp uh a, khat na thatin, khat suang tawh na deng gawp uh hi.

Jeremiah 26:8

Mi khempeuh tungah Topa in gen dingin a sawl teng Jeremiah in a gen khit ciangin siampite, kamsangte le mi khempeuhte in amah man uh a, “Nang na sih ding kilawm hi.

JOB (Job) 13:27

Nangmah in ka khe sikkol nong bulh a, ka kalsuanna khempeuh le ka khekhap nangawn na en tel hi.

2 KHANG TANGTHU NIHNATE 18:23

Tua ciangin Khenaanahʼ tapa Zedekiah a nai ah hong pai-in Mikaiah a paang bengin, “Cik hun a kipan Topaʼ kha in kei hong nusia-in, hih bang na gen nadingin nang tungah hong tung ahi hiam?” a ci hi.

JOB (Job) 33:11

Amah in ka khe kol bulh a, ka gamtatna khempeuh hong encik hi,’ na cihna ka za hi.

1 KUMPI MASATE 13:4

Bethel a biakna tau langpangin Pasianʼ mipaʼ thugenna kumpipa in a zak ciangin biakna tau panin Jeroboam in a khut zan a, “Amah lencip un,” a ci hi. Tua ciangin amah langpangin a zankhiat a khut keucip ahih manin a khut tonsakkik thei nawn lo hi.

Jeremiah 26:10

Judah gam uk uliante in hih thu a zak uh ciangin kumpipaʼ inn sung pan Topaʼ biakinnpi ah hong pai to uh a, Topaʼ biakinnpi lutna Kongpi Thak ah a tu uh hi.

Jeremiah 37:21

Tua ahih manin kumpipa Zedekiah in kumpi thonginn sungah ka kiat zawk nading thu pia a, khua sunga anlum a bei matengin anlum sai panin nisimin anlum khat ta hong piasak den hi. Tua ahih manin kumpipaʼ thong sungah a om ka suak hi.