Jeremiah 20:12 - Tedim Bible Revision 2017

¹² A thuman mite a en tel, lungsim le ngaihsutna a mu Vanglian Topa aw, amaute na thukkikna kei hong musak in. Bang hang hiam cih leh nangma khut sungah ka thu kong ap khin hi.

Tedim Bible

¹² A thuman mite a en tel, lungsim leh ngaihsutna a mu a vanglian Topa aw, amaute na thuh kikna hong musak in. Bang hang hiam cih leh nangma’ kiangah ka thu kong ap khin hi.

Jeremiah 20:12 Referans Kwoze

Jeremiah 11:20

Ahih hangin thu a mantakin khenin, mihingteʼ lungsim le a ngaihsutna uh a en tel a Vanglian Topa aw, amaute na thuhkikna kei hong musak in. Bang hang hiam cih leh nangma tungah ka thu kong ap khin hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Late 54:7

Bang hang hiam cih leh haksatna khempeuh panin kei nong hon khia khin a, ka galte a guallelhna keimah in ka mu khinta hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Late 59:10

Ka Pasian in ama itna kip tawh keimah hong dawn dinga, ka Pasian in gualzawhna tawh ka galte hong ensak ding hi.

Late 139:23

Pasian aw, kei hong en tel inla, ka lungsim hong thei in. Kei hong sit inla, ka ngaihsutnate hong thei in.

Late 7:9

Lungsim le ngaihsutna a en a thuman Pasian aw, migiloteʼ siatna beisak inla, mi thumante kipsak in.

Jeremiah 17:18

Kei hong bawlsiate na zahhuaisak inla, ahih hangin kei hong zahhuaisak kei in. Amaute lung-amsak inla, ahih hangin kei hong lung-amsak kei in. Amaute tungah siatna ni tungsak inla, a zah nihin susia in!

Isaiah 37:14

Hezekiah in kamtaite tung panin a lai puak uh sangin, a lai a sim hi. Topa’ inn ah Hezekiah pai to-in, Topa’ mai ah a lai a zal hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Late 11:5

Topa in midikte le migilote en tel a, a ngongtat nuam mite a lungsim in mudah hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 6:10

Amaute nakpi takin kiko uh a, “A thuman, a siangtho, a Vanglian Topa aw, leitungah a om lai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

1 PETER MASA 4:19

Tua ahih ciangin Pasianʼ deihna bangin gimna a thuak mite gamtat hoihin, a kamciam a tangtungsak tawntung hong Piangsak pa muangin ama khut sungah a ki-ap ding uh ahi hi.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawng gawp lo a, a manin thu a khen Pasian muanin a na nei hi.

Jeremiah 12:8

Ka luah dingin ka teel sa mite in gamlak a humpinelkai bangin keiʼ lang khat ah pangin hong hawk san uh ahih manin amaute ka mudah hi.

Isaiah 38:14

Phialphiah ahi a, gun vapi bangin ahi zongin ka hamham a, vakhu bangin ka tautau hi. Vantung lam kong etetna-in ka mitte a gim hi. Topa aw, kei hong kinengniam hi; keima lungmuanna hong hi ta in!

Late 86:4

Topa aw, nangma tungah thu hong ngen ka hih manin na nasem pa hong kipaaksak in.

2 KHANG TANGTHU NIHNATE 24:22

Tua bangin kumpipa Joash in Zekhariahʼ pa Jehoiada in ama tungah a lah dikna phawk nawn loin ama tapa thahsak mawk hi. Amah in a sih ding ciangin, “Topa in mu henla thuk tahen!” a ci hi.

1 SAMUEL MASA 1:15

Ahih hangin Hannah in dawngin, “Hi lo hi, ka topa aw; kei pen nakpi takin a lungkham numei ka hi hi. Leenggahzu ahi a, khamtheih zu ahi zongin ka ne kei a, Topaʼ mai ah ka lungsim a sung khia ka hi hi.

Late 58:10

Heh thukna a muh ciangin thuman mipa lungdam dinga, migiloteʼ sisan sungah amah in a khete sil ding hi.