Jeremiah 2:7 - Tedim Bible Revision 2017

⁷ Singgah le a hoih nate na nek theih nadingun an tamna munah kong tunpih hi. Ahih hangin no nong pai uh ciangin ka gam na ninsak uh a, ka neihsa leitang a kihhuai mun na suaksak tazen uh hi.

Tedim Bible

⁷ Singgah leh a hoih nate na nek theih nadingun an tamna munah kong tun’pih hi. Ahih hangin no nong pai uh ciangin ka gam na nin sak uh a, ka neihsa gam a kihhuai mun na suak sak tazen uh hi.

Jeremiah 2:7 Referans Kwoze

Jeremiah 16:18

Amauteʼ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadah huai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Gamlak-vakna 13:27

Amaute in Moses kiangah, “Kote nong sawlna leitang ah ka va tung uh hi. Tua lai ah bawngnawi le khuaizu tui bangin luang a, hih pen tua gam a gah ahi hi.

Ezekiel 36:17

“Mihing ahi Ezekiel aw, Israel mite amauteʼ gamah a ten lai-un amauteʼ gamtatna le a sepnate uh tawh tua gam ninsak uh hi. Amauteʼ gamtatnate pen numeiteʼ neih nin zahin a ninin ka ngaihsun hi.

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note adingin mun nuam hi lo hi.

Ezekiel 20:6

Egypt gam panin amaute paikhiat pihin, amaute adingin ka zon khiatsak, bawngnawi le khuaizu tui bangin a luanna gam ahi, gam sung khempeuh panin a hoih penna munah amaute ka tunpih ding ni teek mahin ka kiciam hi.

Nehemiah 9:25

Tua hi a, amaute in kulh nei khuapite le gam hoihte la uh a, na hoih tampi tawh a kidim innte, suang kikhuak tuibeemte, leenggui lote, oliv lote le nek theih singgah kung tampi a luah uh hi. Amaute in tuate ne-in gilvahin thau uh a, nangma hoihna hangin nuamsa mahmah uh hi.

Thu-hilhkikna 21:23

zan tawntung sing tungah ama luang na omsak kei ding uh a, a ni mahin na phum ding uh hi. Bang hang hiam cih leh khuam tungah a kikhai si luanghawm pen Pasian in muhthadah sa hi. Topa na Pasian un luah dingin note hong piak na leitang uh na ninsak kei ding uh hi.

Thu-hilhkikna 6:18

Topaʼ hong ciam sa bangin noteʼ mai panin na langte khempeuh uh nawh khiatna tawh na pu na pate uh tungah piak dingin Topa in a ciam sa leitang hoih note in na luah theih nading uh le note na nopsak theih nadingun Topaʼ muhna ah a man le a hoih nate na sem ding uh hi.

Jeremiah 3:2

Khuadak inla mual sang dawnte en dih in. Hong kilup khop pih lohna mun koi laitak ah om ahi hiam? Arab mite in a suam dingun gamlak ah mi a ngak uh bangin lam gei ah tu-in na luppih ding mi na ngak hi. Na paktatna le na gitlohna tawh hih gam na ninsak zo hi.

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Jeremiah 32:30

Bang hang hiam cih leh Israel mite le Judah mite in a neu lai pek uh a kipan ka muhna ah a sia bekbek a gamta uh hi. Keimah Topa in kong cih in ah, Israel mite in a khut uh tawh milim a bawlna uh hangin kei hong hehsak uh hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuh ah biakna a pia uh hi. Meihal biakna a piakna uh le tui phih biakna a piaknate uh tawh kei hong hehsak uh hi.

Hosea 9:3

Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Thu-hilhkikna 32:9

Ahi zongin Topaʼ tanh pen ama mite hi a, Jakobʼ suante pen a kipia ama luah ahi hi.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkik nadingun amaute a hilh na kamsangte that uh a, amaute in gendai mawhna lianpi bawl uh hi.

Isaiah 19:25

Vanglian Topa in, “Ka mihingte ahi Egypt, ka khut tawh ka bawl sa ahi Assiria le keima luah ahi Israel mite in thupha ngah tahen,” ci-in thupha a piakte hi ding uh hi.

Ezekiel 20:24

Hih bangin kiciamna ka bawlna pen, amaute in ka thupiaknate nialin, ka thukhamte zui lo uh a, ka Sabbath-te siasak uh hi. Tua banah a pu a pate un a biak milimte mah a biakna hang uh ahi hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.