Jeremiah 2:4 - Tedim Bible Revision 2017

⁴ Jakob suan le Israel innkuan khempeuhte aw, Topaʼ kammal ngai dih un.

Tedim Bible

⁴ Jokob’ suan leh Israel innkuan khempeuhte aw, Topa’ kammal ngai dih un.

Jeremiah 2:4 Referans Kwoze

Micah 6:1

Topa le Israel a kitotna ngai un. Topa aw, kipan inla, mual liante le mual neute mai ah na thu sung in.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 34:4

Judah kumpipa Zedekiah aw, Topaʼ kammal ngai lai dih in. Topa in nangmah tawh kisai-in a hong genin ah, nang in namsau tawh thahna na thuak kei ding hi.

Jeremiah 33:24

“Hih mite in, Topa in a teel sa Israel le Judah minam tegel a nusia ta hi, ci-in a gen uh thei kha lo na hi hiam? Tua bangin amaute in ka mite simmawh uh a, amauʼ muhna ah minam khatin a sim nawn kei uh hi.

Jeremiah 31:1

“Topa in kong cih in ah, tua hun ciangin kei pen Israel mi khempeuhteʼ Pasian ka hi dinga, amaute pen keima mite ahi ding uh hi,” a ci hi.

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 13:15

Ngai-in na bil uh ngat un; kisathei kei un. Bang hang hiam cih leh Topa in thu a gen zo hi.

Jeremiah 7:2

“Topaʼ biakinn kongkhakpi kiangah ding inla, hih thu teng va taangko in: Topa a bia dingin kongkhak sunga hong tum Judah mite aw, Topaʼ kammal ngai dih un.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Jeremiah 2:3

Israel mite pen Topa adingin a tuam om hi a, ama anlakna ah a anpalte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Jeremiah 10:1

Israel mite aw, note hong hopihna Topaʼ kammal ngai dih un.