Jeremiah 2:30 - Tedim Bible Revision 2017

³⁰ Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Tedim Bible

³⁰ Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Jeremiah 2:30 Referans Kwoze

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkik nadingun amaute a hilh na kamsangte that uh a, amaute in gendai mawhna lianpi bawl uh hi.

1 THESALONIKA MASA 2:15

Tua Jew mite in Topa Jesu le kamsangte that uh a, kote zong hong bawlsia uh hi. Pasianʼ lungkim loh nadingin gamta uh a, mi khempeuh langbawl uh hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Isaiah 1:5

Bang hangin note hong kisat theih nadingin lehdo teitei na hi uh hiam? Israel aw, na lutang khempeuh liamma dim a, na lungsim le na ngaihsutna gim mahmah hi.

Mattiu 23:29

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in a si sa kamsangteʼ han, a hoih mahmah in bawlin, a nuntakna uh a hoih, a si sateʼ mual suangte hoihtakin na zem uh a,

Jeremiah 7:28

Tua ciangin nangmah in amaute kiangah, ‘Hih gam pen, Topa amauteʼ Pasianʼ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Isaiah 9:13

Amaute a sat paʼ lamah Israel mite kihei lo a, Vanglian Topa zong lo uh hi.

Mangmuhna 16:9

Nisa in mite kaang gawp ahih manin mite in hih gimna tawh kisai ah thu a nei Pasian a samsia uh hi. Ahi zongin a mawhna uh panin kisikin Pasian a phat ding uh ut lo uh hi.

Zefaniah 3:2

Topaʼ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siangkik ngei kei ding hi.

Jeremiah 31:18

Efraimʼ kahna aw ka za zo a, ‘Topa aw, bawngtal sin loh bangin kei nong thuhilh khinzo hi. Kong ciahkik theih nadingin hong lakik in; bang hang hiam cih leh nang pen Topa ka Pasian na hi hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topaʼ tungah citak lo zaw lai hi.

2 KHANG TANGTHU NIHNATE 24:21

Ahih hangin amaute in amah sawm sim uh a, kumpipaʼ thupiakna tawh amaute in Topaʼ biakinn tual ah suang tawh amah deng lum uh hi.

1 KUMPI MASATE 19:14

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that uh hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:10

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuau thu gen a, na leiite un gitlohna thu a gen hi.

Jeremiah 46:14

“Egypt gam le Migdol khua ah va gen in. Memfis khua le Tahpanhes khua ah va taangko in: ‘Kiging sa le kithawi sa-in om un; bang hang hiam cih leh namsau tawh note hong kithat khin ding hi,’ va ci in.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Ezekiel 22:24

“Mihing ahi Ezekiel aw, Israel mite pen ka hehna hangin puah loin, a tungah guah ka zuksak lohna leitang tawh a kibatna uh amaute kiangah gen in.

Daniel 9:13

Mosesʼ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.