Jeremiah 2:25 - Tedim Bible Revision 2017

²⁵ Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amauʼ nung ka zui ding hi,’ na ci hi.

Tedim Bible

²⁵ Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.

Jeremiah 2:25 Referans Kwoze

Thu-hilhkikna 32:16

Amaute pen pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Jeremiah 18:12

Amaute in, ‘Tua bang gen kul lo hi. Koʼ ngimna bangin ka gamta ding uh a, mi khempeuh ama lungsim siaʼ deihna bangin a gamta ding uh hi,’ hong ci ding uh hi.

Jeremiah 3:13

Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

ROM (Romans) 8:24

Hih bangin lamenin i upna in eite hong hon khia khin hi. Ahi zongin i lamet pen i muh ciangin tua pen lamet hi nawn lo hi. Kua in a muh sa nate lamen nawn ahi hiam?

Kah la 4:4

Amaute in a ta ngeekte uh gilkial dangtakin sisak uh a, naupangnote an ngen dingin vaksak uh a, kuamah in an a pia kei hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vak khia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawk gawp a, a hong kibuan gawp ahi hi.

Isaiah 57:10

A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.

Isaiah 2:6

Amaute pen nisuahna lam gam a om khongkhaite le Filistia mite bangin aisante tawh kidim uh a, gamdang miteʼ ngeina zui uh ahih manin Jakob suanlekhak, na mite nang na nial hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topaʼ tungah citak lo zaw lai hi.

Thu-hilhkikna 28:48

Topa in noteʼ langah a hong sawl ding na galte uhʼ na, gilkialna le dangtakna, pum guakin omna le na khempeuh kitangsapna tawh, na sem ding uh hi. Na galte un note hong suksiat matengin noteʼ ngawng ah sik hakkol hong thuah ding uh hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Luka 15:22

Ahi zongin a pa in a nasemte sam a, ‘Hong manlang un. Puan hoih pen hong la unla silhsak un. A khutme ah zungbuh butsak unla, a khe ah khedap zong bulhsak un.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a om mah bangin, a puan teng hawk khiatsakin a guaktangin ka omsak dinga, a keu, bangmah a po zawh lohna gamlak bangin ka bawl dinga, dangtakin a si ding hi.

Jeremiah 44:17

Ahih hangin ka ciam sa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tui dawn biakna ka hih zaw ding uh hi. Bang hang hiam cih leh ka tua cih uh ciangin an tampi ka nei uh a, hau-in gimna zong ka thuak kei uh hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 22:20

Jerusalem khua mite aw, Lebanon Mual tungah kah to-in awng unla, Bashan gamah va kiko un. Abarim mual tungah va kiko un; bang hang hiam cih leh na pawlte un gal lel khin hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan khinta uh hi.

Ezekiel 20:32

Note in na lungsim ngaihsutna uh khensat khinin, gam dangah a teeng minam dangte mah bangin sing le suang na bia nuam uh hi. Ahi zongin noteʼ ut bang hi thei ngei lo ding hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.

Malakhi 3:14

Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?

2 KHANG TANGTHU NIHNATE 28:23

Bang hang hiam cih leh amah a zo Damaskas-teʼ pasian-te tungah biakna pia-in, “Syria kumpiteʼ pasian-te in amaute huh ahih manin amaute in kei hong huh theih nadingun amauʼ tungah biakna ka pia ding hi,” ci hi. Ahih hangin tua pasian-te pen amah le a mipihte khempeuhʼ siatna ahi hi.

Jeremiah 22:21

Na daupai laitakun kong hopih hangin na hong ngai nuam kei uh hi. Na neu tung uh a kipan nong tua cih ngitnget uh a, keima thu nong mang ngei kei uh hi.