Jeremiah 2:23 - Tedim Bible Revision 2017

²³ Bangci bangin nangmah in, ‘Kei ka nin kei hi. Baal pasian-teʼ nung ka zui kei hi,’ bang hangin ci thei ding na hi hiam? Mualkuam zang ah a om na lampi totte en to inla, na hih sate mu dih in. A suk tai a to tai kawikawi kalaoh huk na bang tazen hi.

Tedim Bible

²³ Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Jeremiah 2:23 Referans Kwoze

Jeremiah 7:31

Hinnom Kuam ah a tapate a tanute uh mei sungah a hal lupna ding uh Tofeth a kici biakna tau khat a bawl uh hi. Tua pen keiʼ sawl lah hi loin, zong ka ngaihsun kha ngei beek kei hi.

Paunak 30:12

Amaute a nin mahmah hi napi-in amauʼ muhna ah siang a kisa mahmah mi pawl khat om hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Luka 10:29

Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a hon zo hi,” a ci hi.

Jeremiah 9:14

amauʼ lungsim deihna zui tentanin a pu a pate uh hilhna bangin Baal nung a zuih man uh ahi hi.

Jeremiah 3:2

Khuadak inla mual sang dawnte en dih in. Hong kilup khop pih lohna mun koi laitak ah om ahi hiam? Arab mite in a suam dingun gamlak ah mi a ngak uh bangin lam gei ah tu-in na luppih ding mi na ngak hi. Na paktatna le na gitlohna tawh hih gam na ninsak zo hi.

Paunak 30:20

A citak lo zi hih bangin gamta hi: Midang tawh khialin tua ciangin kisilsiang a, “Khialhna bangmah gamta kei ing,” ci khem hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

Late 50:21

Hihte khempeuh na gamta khin uh a, bangmah ka pau kei hi. Kei pen no tawh a kibangin nong ngaihsun kha uh hi. Ahih hangin tu-in note ka hong taii a, na mawhna uh na mai uh ah ka koih hi.

Late 36:2

Bang hang hiam cih leh ama mawhna kidawk khia lo a, muhdahna thuak lo ahih manin amah kimawk phat tawm hi.

Esther 8:16

Tua hi a, Jew mite in suahtakna, lungdamna le pahtawina ngah uh hi.

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vak khia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Jeremiah 16:10

“Hih thu teng hih mite tungah na gen ciangin amaute in, ‘Bang hangin Topa in hih gimna lianpi eite tungah hong tungsak ahi hiam? I khialhna bang ahi hiam? Topa i Pasianʼ tungah bang mawhna bawl ihi hiam?’ hong ci ding uh hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tul pih lo ding numei paktat khat teenpih inla, tua nu tawh ta nei in,” a ci hi.