Jeremiah 2:21 - Tedim Bible Revision 2017

²¹ A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Tedim Bible

²¹ A kiteelteel leenggah gui ci hoihte bangin nang kong suan khin zo-a, ahih hangin nang kisia kik-in bang hangin leenggah gui a hoihlote na suak kik tazen hiam?

Jeremiah 2:21 Referans Kwoze

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Paikhiatna 15:17

Nang in amaute hong paipihin nangma mual tungah amaute na suan ding hi. Topa aw, na om nading munin na bawl sa munah, Topa aw, na khutte in a phuh sa na biakinn ah na koih ding hi.

Johan 15:1

Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Late 44:2

Nangmah in minam dangte na hawl khia mang a, ahih hangin amauʼ munah ka pu ka pate uh na tengsak hi. Midangte na su gawp a, ahih hangin amaute na suaktasak hi.

Late 80:8

Nangmah in Egypt panin leenggui khat na la a, minam dangte hawl khia-in, tua leenggui na suan hi.

Thu-hilhkikna 4:37

Amah in na pate uh itin, amauʼ suanlekhakte hong teel a, a mahmah in ama vanglian tawh Egypt panin note hong paikhiatpih a,

Luka 20:9

Tua ciangin Jesu in mite kiangah thu gentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sau veipi a tam hi.

Marka 12:1

Tua ciangin Jesu in amaute kiangah thu gentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Thu-hilhkikna 32:32

Amaute, Sodom le Gomorrah bangin siahuai uh a, gu nei-in a kha leenggah a gah leenggui tawh kibang uh hi.

Mattiu 21:33

“Thu gentehna dang khat na ngai lai un. Mi khat in lo zuanin leenggui suan a, a kimkot umin, leenggah cil nading bawl a, a hon nading tausang khat a lam khit ciangin lo khawhlawhte khawhlawhsakin gam dangah a pai hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Isaiah 60:21

Na mihingte khempeuh thuman ding uh hi. Keima min a than nadingin keima suan sa kung, ka khut tawh ka sep sa gam pen amaute in nei paisuak ding uh hi.

Isaiah 41:8

Ahih hangin nang ka nasem pa Israel, ka lawm Abrahamʼ suanlekhak, ka hong teel sa Jakob aw,

Isaiah 1:21

A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Joshua 24:31

Joshuaʼ khang sung le Joshua sangin sau a nungta zaw upate khempeuh khang sungin Israel mite in Topaʼ na sem a, Israel mite adingin Topa in a sep na khempeuh a thei uh hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Isaiah 27:2

Tua ni ciangin, “A deihhuai leenggah lo thu la-in sa un!

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Late 80:9

Nangmah in tua leenggui adingin leitang na hahsiang a, amah in zung thuk kha-in gam sung a dim hi.

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Jeremiah 11:16

Nidang lai-in Topa in note, a hing dikdek a gah pha oliv kung tawh kong genteh ngei hi. Ahih hangin kong hal dinga, na hiangte uh kangtumin ging huhu ding hi.

Ezekiel 15:2

“Mihing ahi Ezekiel aw, leenggui pen singkung tawh bangci kiteh ding ahi hiam? Tu lak a om singkungte tawh tehna-in leenggui hiangte banga kimang ahi hiam?