Jeremiah 2:18 - Tedim Bible Revision 2017

¹⁸ Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Tedim Bible

¹⁸ Tu-in Izipt gamah na pai manin bang phattuamna ngah ding na hi hiam? Nail guntui va dawn lel ding na hi hiam? Assiria gamah na pai manin bang phattuamna ngah ding na hi hiam? Eufrates guntui va dawn lel ding na hi hiam?

Jeremiah 2:18 Referans Kwoze

Joshua 13:3

(Kanaan miteʼ gam ci-a a kiciamteh, leilu lam Ekron gamgi lam, Egypt nisuahna lam a om Shihor pan Filistia gam Gaza, Ashdod, Ashkelon, Gath le Ekron gamte a uk mi nga om hi) le Avvim gam,

Hosea 7:11

Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Isaiah 31:1

Egypt gamah huhna ngen dingin pai suk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-teʼ Siangtho Pa a suang lo, Topa thu a dong lote in gimna ngah tahen!

Hosea 5:13

Israel in ama cinatna kithei-in, Judah in ama liamna a kimuh ciangin kumpi lianpa kiangah huh ngen dingin Assiria gamah Israel va pai hi. Ahi zongin amah in amauʼ natna damsak thei lo a, a liamna uh zong na damsak thei tuan lo hi.

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi pai simsak hi. A deihna bangin tangtung ding ahi hiam? Tua bangin a gamtatna tawh suakta zo ding ahi hiam? A thuciamna palsat napi-in gimthuak loin om thei ding ahi hiam?

Kah la 4:17

Huhna a ngenin ka khua dakdak uh a, khuadak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.

Isaiah 7:20

“Tua ni ciangin Topa in Gun gal khat panin a kikawm temta ahi Assiria kumpipa tawh sam le khemul mettol dinga, khamul zong met khia ding hi.

Isaiah 23:3

Egypt gam a piang ante lei-in na zuak uh a, minam khempeuh tawh sum bawlin na kizom uh hi.

Ezekiel 16:28

Bang hang hiam cih leh a dangte tawh lungkim zo nai lo na hih manin Assiria mite na nung delh lai hi. Tuate tawh na paktat a, ahi zongin na lungkim zo nai sam kei hi.

2 KHANG TANGTHU NIHNATE 28:16

Tua hun laitakin Kumpi Ahaz in Assiria kumpipa kiangah huhna a ngen dingin mi a sawl hi.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a hon zo hi,” a ci hi.

Kah la 5:6

Ka nuntak theih nadingun Assiria le Egypt-te kiangah an ngen dingin ka pai uh hi.

Ezekiel 23:30

nangma tungah hih bang teng hong tungsak hi. Minam dangte tawh na paktat a, a milimte uh tawh na kininsak hi.