Jeremiah 2:16 - Tedim Bible Revision 2017

¹⁶ Tham loin, Memfis le Tahpanhes mite in zong a luguh a suk tapsak zo uh hi.

Tedim Bible

¹⁶ Tham loin, Memfis leh Tahpanhes mite in zong a luguh a suktap sak zo hi.

Jeremiah 2:16 Referans Kwoze

Jeremiah 46:14

“Egypt gam le Migdol khua ah va gen in. Memfis khua le Tahpanhes khua ah va taangko in: ‘Kiging sa le kithawi sa-in om un; bang hang hiam cih leh namsau tawh note hong kithat khin ding hi,’ va ci in.

Jeremiah 44:1

Egypt gam Migdol khua, Tahpanhes khua, Memfis khua le leitaw lam a teng Jew mite tawh kisai-in Topa in thu hong gen a,

Isaiah 19:13

Zoan uliante mihai suak khin uh a, Memfis uliante zong hai khin uh hi. Minamte a makai dinga kineite in a mite uh lam khialhpih khin hi.

Thu-hilhkikna 33:20

Gad minamteʼ thu genin, “Gad a lianin a bawlpa in thupha ngah tahen! Gad in humpinelkai bangin buk khikhe a, amah in a baan le a luzang, a bal kham hi.

Ezekiel 30:16

Egypt gam sung khempeuh ka hal tum dinga, Pelusium khuapi in gimna lianpi thuak ding hi. Thebes khuapi kulh khempeuh kicim gawp dinga, tui in a khuapi tuum ding hi.

Ezekiel 30:13

“Milim khempeuh ka susia dinga, Memfis khuapi ah a om pasian man lote ka beisak ding hi. Egypt gam a uk ding kuamah om nawn lo dinga, mi khempeuh lausakin ka liingsak gawp ding hi.

Jeremiah 46:19

Egypt gamah a teengte aw, note salin a hong kipaipih cianga ding na puan lomte uh zial khol un. Bang hang hiam cih leh Memfis khua gamlak suak dinga, kisia gawpin, kuamah teeng lo ding hi.

Isaiah 8:8

Judah gam dong hong nawt suk dinga, dimletin paisuakin, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

2 KUMPI NIHNATE 23:33

Tua ciangin amah in Jerusalem a uk theih loh nadingin Faro Neko in Hamath gam sung Riblah khua ah amah kol bulh a, Judah mite tung panin ngun talen za khat le kham talen khat siah a kai hi.

2 KUMPI NIHNATE 18:21

En un, a tungah a kingam mipaʼ khut a sun ding pumpeeng kung kitam a bang lel Egypt tu-in na suang uh hi. Amah a suangte khempeuh tungah Egypt kumpipa Faro pen tua bang lel ahi hi.

Jeremiah 48:45

A bah gawp galtaite in Heshbon khua hong beel uh hi. Ahih hangin Sihon kumpipa a maanna ngei Heshbon khua panin meikuang hong kipan khia veve hi. Gal a sim nuam miteʼ teenna Moab gam, a gam mong dongin mual sangte zong a kaang tum hi.

Hosea 9:6

Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.