Jeremiah 2:15 - Tedim Bible Revision 2017

¹⁵ Humpinelkai bangin a galte in amah hawk san uh a, nakpi takin a hawk gawp uh hi. A gam uh gam simtham a suah uh a, a khuapite uh cimin kuamah teeng lo hi.

Tedim Bible

¹⁵ Humpite bangin a galte in amah hawk uh a, nakpi takin a hawkgawp uh hi. A gam uh gam simtham a suah uh a, a khuapite cim-in kuamah teeng lo hi.

Jeremiah 2:15 Referans Kwoze

Jeremiah 4:7

Humpinelkai khat a bukna sawlkawm panin hong kuan khia zo a, gamte a susia ding pa hong paikhia zo hi. Na gam uh a kisiasak ding le na khuapite uh ah kuamah a ten loh nadingin a susia dingin ama omna panin hong kuan khia khinzo hi.

Jeremiah 50:17

“Israel mite, humpinelkai in a delh mang tuu tawh a kibang uh hi. A masa-in Assiria kumpipa in ne a, tu-in a tawpna ah Babylon kumpipa Nebukhadnezzar in a guh dongin a teeptum hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Isaiah 5:29

Amauteʼ kikona pen humpinelkai hawk bang a, humpinelkai khanglaite bangin amaute a hawk uh hi. Amaute humhamin a sa nek ding uh man uh a, amaute in pua khia-in kuamah in hon khia zo lo hi.

Isaiah 1:7

Na gam uh khing a, na khuapite uh mei tawh kihal hi. Na muh tangpi mahun gamdang mite in na gam uh hong laksakin na khempeuh susia gawp hi.

Zefaniah 3:6

Topa in hih bangin thu gen a, “A kiphasak mite ka nil khia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.

Zefaniah 2:5

Tuipi gei ah a gual ten, no Filistia gam mite aw, gimna na ngah ding uh hi. Filistia miteʼ teenna Kanaan leitang aw, Topa in nang tungah thu hong khen zo hi. Mi khempeuh a bei mang dongin hong susia ding hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Nahum 2:11

Humpinelkai note an a kivakna mun, humpinelkai le a note lungmuang a a omna mun, humpi-nelkaiteʼ kua tawh a kibang koi ah om ta ahi hiam?

Amos 3:12

Topa in hih bangin ci hi: Humpinelkaiʼ nek baang tuu khebom nih ahi a, a bil them khat bek ahi zongin tuucingpa in a ngah tei mah bangin, tutphah nip kiu khat le lupna them khat tawh a kibang, Samaria sungah a om Israel mi tawmno khat suakta tei ding hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Amos 3:4

A samat ding mu lopi-in, gamlak ah humpinelkai mawk hawk ahi hiam? Samat nei lopi-in, a kua sungah humpinelkai khanglai mawk hawk ahi hiam?

Hosea 11:10

Humpinelkai bangin a galte uh ka hawk san gawp dinga, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Hosea 5:14

Humpinelkaiʼ suk gawp bangin Israel le Judah ka su gawp ding hi. Keimah teekteek in amaute bal gawpin ka paisan ding hi. Amaute ka tal kaih gawp dinga, kuamah in hon zo lo ding hi, a ci hi.

Ezekiel 5:14

Na kiim uh ah a om minamte in note hong muh khak uh ciangin hong phit sanin hong pelh ding uh hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuak zo nawn lo hi. Tua ahih manin tu ni mahmah in zong na gam uh gamlak suak khin a, miteʼ kihamsiatna suakin kuamah teeng nawn lo hi.

Jeremiah 34:22

En un, Topa in kong cih in ah, keimah in thu ka pia dinga, hih khuapi ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuamaʼ ten lohna mun awng ka suaksak ding hi,” a hong ci hi.

Jeremiah 33:10

“Topa in kong cih in ah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite le Jerusalem khua kongzingte awng a, mihing ganhing kuamah a teeng kei hi.

Jeremiah 26:9

Bang hangin, ‘Hih biakinnpi pen Shiloh tawh kibang dinga, hih khuapi ah a teeng om loin gam simtham suak ding hi,’ ci-in Topaʼ minin thu hilh ngam na hi hiam?” ci-in a gen uh hi. Topaʼ biakinnpi sungah a om mi khempeuh in Jeremiah a umcih uh hi.

Jeremiah 25:30

“Tua ahih ciangin nangmah in amaute thu na va hilh dinga, hih bangin na va gen ding hi: ‘A sang vantung panin Topa hong hawk dinga, a teenna a siangtho panin hong pau khia ding hi. Ama miteʼ lang khat ah nasia takin hong hawk gawp dinga, leenggah cil mite bangin leitung mi khempeuhte a langpangin hong kiko ding hi.

Jeremiah 5:6

Tua ahih manin tulak panin humpinelkai in amaute that dinga, sehnel gam panin keivom in amaute a pet gawp ding hi. Kamkei in a khuapite uh limtakin vil gige a, a pusuak khia peuhpeuh balzan gawp ding hi. Bang hang hiam cih leh amauteʼ mawhna tam lua a, hong taisan mun lua uh hi.

Isaiah 24:1

En un, Topa in leitung hawmsuak sakin gamkhing suaksak dinga, amah in lei maitang huiheek gawpin, a tunga a teeng mite thehthang gawp ding hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Isaiah 5:9

Vanglian Topa in ka zakna ah hih bangin kiciam a, “A mantakin inn tampi tak hawmsuak dinga, a lian a hoih innte ah a teeng om lo ding hi.

Late 57:4

Huaihamna tawh mihing a ne tum, humpinelkai tawh a kibang miteʼ lakah ka om hithiat hi. Amauʼ hate, namsau hiam tawh kibang hi.

JOB (Job) 4:10

Humpinelkai hawk bangin migiloteʼ hawkna dai ta a, Pasian in amauteʼ ha suktansak khin ahih manin gamdai ta uh hi.

Thukhente 14:5

Tua ciangin a nu le a pa tawh Timnah ah Samson pai suk a, Timnah leenggui lote ah amah tung hi. Tua lai ah humpinelkai khanglai khat in amah hawk san hi.

Jeremiah 51:38

Babylon mite humpinelkai bangin a hawk khawm ding uh a, humpinelkai no bangin a ciak lualua ding uh hi.

Ezekiel 36:3

Tua ahih ciangin mailam thu ding gen inla, Topa Pasian ahi keima thugen hih bangin pulak in: Na kimkot uh ah a om minam dangte in no Israel mual tung gamte hong la-in na neihsate uh a hong suh uh ciangin, mite khempeuh in no Israel mite hong simmawh bawlin hong ciamnuih bawl lel uh hi.

Zekhariah 11:3

Tuucingte a minthanna uh bei khinta ahih manin dahin a kap uh hi. A tuulak inn uh kisusia khin ahih manin humpi-nelkaiteʼ hawkna za un.

Jeremiah 6:8

Jerusalem khuapi aw, kidawm in. Na kidop kei leh nang kong taisan dinga, kuama ten lohna gam simtham na suak kha ding hi,” a ci hi.

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alteʼ khua a suaksak dingin leilu lam gam panin buaina lianpi khat hong pai hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.