Jeremiah 19:9 - Tedim Bible Revision 2017

⁹ A galte uh le a that nuam mite in, amaute sim ding uh a, nek ding om lo lua ahih manin a tapate le a tanute uhʼ sa ka nesak dinga, mi khempeuh in a veengteʼ sa a ne ding uh hi,’ va ci in.

Tedim Bible

⁹ A galte uh leh a that nuam mite in hong sim uh a, nek ding om lo lua ahih manin a tapate leh a tanute-uh’ sa ka nesak ding a, mi khempeuh in a innvengte’ sa a ne ding uh hi,’ va ci in.

Jeremiah 19:9 Referans Kwoze

Isaiah 9:20

Amaute in a taklam a omte ne uh a, ahih hangin a gil uh kial lai veve hi. A veilam a omte ne uh a, ahih hangin kham nai lo uh hi. Mite in amauʼ veengteʼ sa ne ciat uh hi.

Kah la 4:10

Ka mite a cihmawh laitakun, itna a nei nupite nangawn in, a tanote uh go-in beel sungah a huan uh hi.

Siampi Laibu 26:29

Note na gil uh kial lua ding ahih manin na tapate uh le na tanute uhʼ sa na ne ding uh hi.

Ezekiel 5:10

Tua kong gimpiakna hangin nang Jerusalem khuapi sungah papite in a tapateʼ sa ne-in, tapate in a pate uhʼ sa ne ding uh hi. No a mite gim kong pia dinga, a suakta kha sunsunte nangawn mun khempeuh ah kong thehthang gawp ding hi.

Kah la 2:20

Topa aw hong en in. Na bawlsiat mite hong en dih in. Nupite in a it mahmah uh a tate uhʼ sa ne tanghial uh hi. Siampite le kamsangte in biakinnpi sung mahmah ah thahna thuak uh hi.

Jeremiah 13:14

Pate le tate a kipan amaute khatlekhat ka kiphusak dinga, Topa in kong cih in ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

2 KUMPI NIHNATE 25:3

A kha lina a ni kua ni-in tua khuapi sungah kialpi nasia mahmah ahih manin tua gam mite ading an om lo hi.

Jeremiah 38:9

“Ka to kumpipa aw, hih mite in kamsang pa Jeremiah, tuikhuk sungah a khiat suk uh a khial uh hi. Bang hang hiam cih leh khua sungah anlum om nawn lo ahih manin an ngawlin a puksi veve ding ahi hi,” a ci hi.