Jeremiah 19:8 - Tedim Bible Revision 2017

⁸ Hih khuapi a mulkimhuai le a simmawhhuai ka suaksak dinga, a kantan mi khempeuh in khuapi siatna hangin lamdang sa-in zahpihin a phitsan ding uh hi.

Tedim Bible

⁸ Hih khuapi a mulkimhuai leh a simmawh huai ka suak sak ding a, a kantan mi khempeuh in khuapi kisiatna hangin lamdang sa-in zahpih-in a phitsan ding uh hi.

Jeremiah 19:8 Referans Kwoze

Jeremiah 18:16

Amauteʼ gam pen a mulkimhuai le simmawhna tawh a kiphitsan den ding gam a suaksak uh hi. Tua gam a kantan khempeuh mulkim mahmah uh a, lamdang sa-in a lu uh a pei uh hi.

Jeremiah 49:13

Bang hang hiam cih leh Topa in kong cih in ah, Bozrah khua pen miteʼ lipkhap ding, zahpih ding, nusiat ding le kihamsiatna-in a zat ding uh a suak ding hi,” a ci hi.

1 KUMPI MASATE 9:8

Tua ciangin hih biakinn pen ninbu lomtang suak dinga, a nawk kha mi khempeuh in lamdang sa-in, eh! ci ding uh hi. Amaute in, ‘Bang hangin Topa in hih leitang le hih biakinn hih bangin hih ahi hiam?’ ci ding uh hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Jeremiah 50:13

Topaʼ hehna hangin kuamah teeng lo dinga, gamlakpi a suak ding hi. Babylon khua a kantan mi khempeuh in lamdang sa-in khuapi siatna hangin zahko-in a phitsan ding uh hi.

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tu ni dongin gam simtham suakin, miteʼ simmawhna thuakin, a min uh hamsiat nadingin a kizang hi. Tua hai panin a dawn a dangte:

Siampi Laibu 26:32

Keimah in leitang ka siasak dinga, tua tungah a teeng na galte un lamdang sa ding uh hi.

Thu-hilhkikna 28:37

Topa in note hong paikhiat pihna mite lakah a cikzethuai, paunak le gentehna na suak ding uh hi.

Thu-hilhkikna 29:22

“Hong khanglai ding, noteʼ nungah hong piang na tate uh le a gamla gam panin a hong pai gamdang mite in, tua gamʼ gim ngahna le Topa in a natsak cinatnate a muh uh ciangin,

Ezekiel 27:36

Tu-in nang a maimang paisuak na hi ta a, nangma tuah bang a tuah khak ding uh leitungah a om sumbuk dang khempeuh lau-in liing uh hi,” a hong ci hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.