Jeremiah 19:7 - Tedim Bible Revision 2017

⁷ Hih munah Judah mite le Jerusalem miteʼ ngimna ka tangtungsak kei dinga, a galte uhʼ namsau le a that nuamteʼ khutlumin amaute ka sisak ding hi. Amauʼ luanghawmte huihlak a leeng vasate le leilak ganhingteʼ an dingin ka pia ding hi.

Tedim Bible

⁷ Hih munah Judah mite leh Jerusalem mite’ ngimna ka tangtung sak kei ding a, a galte’ namsau leh a that nuamte’ khutlum-in amaute ka sisak ding hi. Amau’ si luangte huih laka leng vasate leh lei lak a ganhingte’ an dingin ka pia ding hi.

Jeremiah 19:7 Referans Kwoze

Siampi Laibu 26:17

Keimah in note kong maisiat dinga, na galte uh mai ah lelhna na thuak ding uh hi. Note hong mudah mite in note hong uk dinga, kuamah in note hong delh lo napi-in na tai ding uh hi.

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlak a leeng vasate le leilak a ganhingte in a ne ding uh hi.

Jeremiah 34:20

A galteʼ khut sungah amaute ka pia dinga, a that nuam miteʼ khut sungah ka pia ding hi. A luanghawmte uh van a vasate le leitung a gamsateʼ an a suak ding uh hi.

Jeremiah 15:9

Ta sagih a nei nupi khakham vei-in a sibup hi. Sunkim lai hi napi ama adingin khuamial bang a, maizumna le mindaina a thuak hi. No a nungta laite na galte un namsau tawh a hong sat lup dingun kong pia ding hi, Topa in kong ci hi,” a hong ci hi.

Jeremiah 15:2

Amaute in, ‘Koi ah pai ding ka hi uh hiam?’ ci-in hong dot uh leh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sal a kikai dingte zong salin kikai ding uh hi,” a ci hi,’ va ci in.

Jeremiah 7:33

Misi luangte huihlak a leeng vasate le leitungah a om ganhingteʼ an a suak ding uh a, tuate a delh mang ding kuamah om lo ding hi.

ROM (Romans) 4:14

Thukham zuihna hangin Pasianʼ thuciamnate a kingah ding hileh miteʼ upna pen a kimanna om loin, Pasianʼ thuciamnate zong a mawkna suak ding hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

Kah la 3:37

Topaʼ deihna bang bekin na khempeuh a piang ahi hi.

Jeremiah 46:26

Amaute a that nuam Babylon kumpipa Nebukhadnezzar le a ulianteʼ khut sungah amaute ka pia ding hi. Ahi zongin Topa in kong cih in ah, nidang lai bangin Egypt gamah mi a tengkik ding hi.

Jeremiah 22:25

na kihtak, nang hong that nuamteʼ khut sungah kong pia ding hi. Babylon kumpipa Nebukhadnezzar le Khaldea miteʼ khut sungah nang kong pia ding hi.

Jeremiah 22:19

La si a kiphum bang lelin amah kivui dinga, Jerusalem kongpi pua lamah kikaitalin kipaai ding hi,” a ci hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 8:2

Amaute in a it uh, a na a sepsak uh, a delh uh, a zon uh le a biak uh ahi ni le kha le van a om nate khempeuh mai ah a kipho khia ding hi. Tua guhte kikhawm nawn lo dinga, kiphum nawn lo ding hi. Leilak a ek kinusia bang ahi lel ding hi.

Isaiah 8:10

Note kikhawmin thu na vaihawm uh hangin a mawkna suak dinga, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong om khawm hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Jeremiah 8:8

Bangci bangin note in, ‘Ko ka pil uh a, Topaʼ thukham ka nei uh hi,’ ci thei ding na hi uh hiam? En un, thuman lo lai theite in tua thukham zuau thu a suah uh hi.

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topaʼ thu nial uh hi. Bang pilna nei nawn ahi uh hiam?

Jeremiah 32:28

Tua ahih manin, Topa in kong cih in ah: En in, hih khuapi Khaldea miteʼ khut sung le Babylon kumpipa Nebukhadnezzarʼ khut sungah ka pia dinga, amah in a la ding hi.

Siampi Laibu 26:25

Keimah in, thuciamna om sa bangin phulakna na a sem ding namsau khat noteʼ tungah kong tungsak ding hi. Na khuapi sung uh ah note na kikaihkhop uh leh zong keimah in noteʼ lakah natna kong tungsak dinga, na galte uh khut sungah note hong kipia ding hi.

1 SAMUEL MASA 17:46

Tu ni-in Topa in ka khut sungah nang hong pia dinga, keimah in nang hong sattukin na lu ka tan khia ding hi. Tua ciangin tu ni-in huihlak vasate le leitung ganhingte tungah Filistia mi a siteʼ luanghawmte ka pia ding hi. Israel sungah Pasian khat a om lam leitung mi khempeuh in a theih nading,

2 KUMPI NIHNATE 21:14

Tua ciangin keimah in ka mi a omlaite paai khia-in amauʼ galte tungah ka pia dinga, amaute pen a galteʼ mat ding mi le van kiate suak ding uh hi;

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amauʼ mipilteʼ pilna kisia dinga, amauʼ thu-mu-theiteʼ thu muhtel theihna kiseel ding hi,” a ci hi.

Jeremiah 21:7

Tua khit ciangin, Topa in kong cih in ah, Judah kumpipa Zedekiah le a nasemte le pulnatna, namsau le kialin a si lo a nungta lai teng pen, amauʼ galte le amaute a that nuam Babylon kumpipa Nebukhadnezzarʼ khut sungah ka pia ding hi. Amah in amaute namsau tawh that dinga, hehpih loin, zong a maap kei dinga, itna lungsim a nei kei ding hi,’ va ci un,” a ci hi.