Biblia Todo Logo
Bib sou entènèt

- Piblisite -




Jeremiah 18:12 - Tedim Bible Revision 2017

12 Amaute in, ‘Tua bang gen kul lo hi. Koʼ ngimna bangin ka gamta ding uh a, mi khempeuh ama lungsim siaʼ deihna bangin a gamta ding uh hi,’ hong ci ding uh hi.

Gade chapit la Kopi

Tedim Bible

12 Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Gade chapit la Kopi




Jeremiah 18:12
18 Referans Kwoze  

Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amauʼ nung ka zui ding hi,’ na ci hi.


Note, na pu na pate sangun na siahuai zaw uh hi. Bang hang hiam cih leh en un, noteʼ utna bang ciat na zui tentan uh a, ka thu nong ngai nuam kei uh hi.


Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.


A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.


Amah in a hat mahmah a khut zan a, kiliatsakna lungsim a nei mite a thehthang hi.


Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.


Topa in a namtui gimnam a zak ciangin, a lungsim sungah, “Mihingʼ gamtatna hangin leitang ka samsiakik ngei nawn kei ding hi. Bang hang hiam cih leh mihingʼ lungsim ngaihsutna pen a tangval lai panin a gilo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.


Tua ciangin Pasian in kei kiangah, “Mihing ahi Ezekiel aw, Israel mite pen hih guhte tawh kibang uh hi. Amaute in, ‘I keucip a, i lamet ding bangmah om nawn loin i nuntakna guipi bei ta hi,’ ci uh hi.


Ahih hangin ka ciam sa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tui dawn biakna ka hih zaw ding uh hi. Bang hang hiam cih leh ka tua cih uh ciangin an tampi ka nei uh a, hau-in gimna zong ka thuak kei uh hi.


Keimah Topaʼ thugenna a hong ngai lo mite kiangah, hong hoih na ve, ci-in a gen tawntung uh hi. Amauʼ lungsimʼ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.


Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.


Amaute tawh amah a kiho laitakin ama kiangah kumpipa hong pai sukin, “Hih lungkhamna Topaʼ piansak hi lo ahi hiam! Bang hangin Topa in bang khat peuhpeuh a sep ding ngak lai ding ka hi hiam?” a ci hi.


Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.


Note in, ‘Pasianʼ na i sep a mawkna hi. Ama hong sawl bangin i sep hangin bang a kimanna om a, i gamtatna sate hangin i dahna lim, Vanglian Topaʼ mai ah i lah hangin bang phattuamna om ahi hiam?


A hoih loin gamta-in, amauʼ deih bang a zui teitei mite,


Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.


Swiv nou:

Piblisite


Piblisite