Jeremiah 18:11 - Tedim Bible Revision 2017

¹¹ Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Tedim Bible

¹¹ Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 18:11 Referans Kwoze

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilh khol a, “Na pu na pate uh ka thupiak thukhamte khempeuh le kamsangte ahi ka nasemteʼ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 7:3

Vanglian Topa, Israel miteʼ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uh leh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Zekhariah 1:3

Ahi zongin tu-in kei kiangah hong ciahkik le-uhcin, kei zong note kiangah kong paikik ding hi.

Micah 2:3

Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Jeim 4:13

Tu ni ahih kei leh zing ciangin tua khua tua khua ah va pai-in, kum khat bang va omin, sum bawlin a meet tampi va ngah ni, a ci mite aw, ka thugen hong ngai dih un.

Ezekiel 18:23

Migilo khat a si ka muh ciangin a lungdam dingin hong ngaihsun na hi uh hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Ezekiel 13:22

Keima gen hi lo napi-in na thuzuau gen teng uh tawh mihoihte na lunggimsak uh a, migilote a sih theih nadingun hong kihei loh nading lamah na leh hanthot zawsop uh hi.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topaʼ thukkikna ahi hi.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Jeremiah 26:13

Tua ahih manin tu-in na nuntak dante uh le na gamtat ziate uh kheel unla, Topa na Pasian uh thu ngai un. Tua hileh Topa in noteʼ kisiatna ding a gen sa thu a kheelkik ding hi.

Jeremiah 26:3

Amaute in na thugen hong ngai-in, a gitlohna uh pan kihei kha thei ding uh hi. Tua hileh amauʼ gitlohna hanga amaute suksiat dingin ka ngaihsut sa ka kheelkik ding hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.

Jeremiah 4:23

Leitung ka et leh limlemel nei lo a, vantungah zong khuavak om lo hi.

Jeremiah 4:6

Zion paina lampi kihilh unla, na suahtak nadingun tai un; zekai kei un. Bang hang hiam cih leh leilu lam panin siatna lianpi ka hong puak suk hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

2 KUMPI NIHNATE 22:13

“Pai unla, a kimu hih laibu sunga thute tawh kisai-in keima ading, mite ading le Judah mi khempeuh adingin Topaʼ tungah thu va dong un; bang hang hiam cih leh hih laibu sunga thu, eite tawh kisai-in a kigelh khempeuh bangin gamtat ding i pu i pate in na mang lo uh ahih manin eite tungah Topaʼ hehna lian hi,” a ci hi.

2 KUMPI NIHNATE 5:5

Tua ciangin Syria kumpipa in, “Tu-in pai in. Israel kumpipa kiangah lai khat ka khak ding hi,” a ci hi. Tua ahih ciangin amah pai-in ngun talen sawm, kham shekel tul guk le pawipuan sawm a keng hi.

Piancilna 11:7

Hong pai un, amau thugen khatlekhat a kitheih loh nadingun eite pai sukin amauʼ kampau va kitukalhsak ni,” a ci hi.

Isaiah 57:1

Thuman mipa si a, kuamah in tua thu ngaihsutin nei nawn lo hi. Kuamah in a theih loh kalin thutak mite si uh hi. Bang hang hiam cih leh tuahsiatna panin thuman mipa kila khia a, nopsakna sungah amah tum hi.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 11:11

Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Jeremiah 25:2

Kamsang pa Jeremiah in zong Judah gam mi khempeuh le Jerusalem khuami khempeuhteʼ tungah hih bangin a gen sawn hi:

Jonah 3:8

Mihing le ganhingte in puanhampi silhin Pasianʼ tungah nakpi-in kiko ta uh hen. Mi khempeuh, a khialhnate uh le a gitlohnate uh panin kihei ta uh hen.

1 KUMPI MASATE 22:23

Tua ahih ciangin tu-in en in, Topa in hih na kamsangte khempeuhʼ sungah zuaugen kha khat koih khin hi. Topa in nang tawh kisai-in a sia gen khin hi,” a ci hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Jeremiah 19:3

Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.