Jeremiah 17:8 - Tedim Bible Revision 2017

⁸ Amah, gun gei-a a kisuan singkung bang hi a, lui gei ah a zung a kha hi. A tehte hing den ahih manin nisa kihta lo hi. Tatsat loin gah den ahih manin guah zuk loh kum ciangin zong lungkham tuan lo hi.

Tedim Bible

⁸ Amah in gun gei-a kisuan singkung bang hi a, lui geiah a zung kha hi. A tehte hing den ahih manin nisa kihta lo hi. Kitatsat loin gah den ahih manin guah zuk loh kum ciangin zong lungkham tuan lo hi.

Jeremiah 17:8 Referans Kwoze

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Isaiah 58:11

Tua ciangin note lam kong lak tawntung dinga, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo dinga, a gah tawh zong kilawi ngei lo ding hi. Biakinn panin a luang khia tui ngah ding uh ahih manin kha simin a gah thak gah tawntung ding uh hi. A singgahte an ding hi dinga, a tehte zatui-in kizang ding hi,” hong ci hi.

JOB (Job) 8:16

“Amah pen nitaang sungah hoihtakin a khang kungno, a huan sungah a dawn hilhhelh kungno ahi hi.

JOB (Job) 29:19

A zung in tui a ngah tawntung singkung tawh ka kibang a, daitui in a hiangte a nomsak singkung tawh ka kibang hi.

Paunak 11:28

Tuk lai-a singteh tam bangin midikteʼ hauhna khang dinga, phalbi lai-a singteh pulh bangin hauhna a suangte kiam ding uh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Jeremiah 39:18

Bang hang hiam cih leh nang kong hon khia taktak dinga, namsau tawh thahna na thuak kei ding hi. Topa in kong cih in ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Ezekiel 31:3

A hiangte hoihin pha mahmah a, a kung sang mahmah in meii lak a ban, Lebanon-a a po taamtak tawh na kibang uh hi.