Jeremiah 17:3 - Tedim Bible Revision 2017

³ zanglei-a om mualte tungah zong tua mawhna a kilang hi. Na gam sung khempeuh uh ah na bawl uh mawhnate hangin na neih na lam uh le na sum na paite uh, na galte uh ka tuah mangsak ding hi.

Tedim Bible

³ zanglei-a om mualte tungah zong tua mawhna a kilang hi. Na gam sung khempeuh uh-a na bawl uh mawhnate hangin na neih na lam uh leh na sum na paite uh, na galte uh ka tuahmang sak ding hi.

Jeremiah 17:3 Referans Kwoze

Jeremiah 15:13

Topa in, “Na gam sungteng a na bawl uh mawhna khempeuhteʼ hangin na neih na lam uh le na sum na paite uh man ngah loin na galte uh ka tuahsak mang ding hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Ezekiel 16:39

Na lunggulh miteʼ khut sungah kong pia dinga, na paktat gamtatna munte le na milim biakna munte, amaute in susia gawp ding uh hi. Na puante le a manpha na kizepnate hong lak khiatsakin, na guaktangin hong koih ding uh hi.

Ezekiel 6:3

Topa Pasian ahi keimah in mual liante, mual neute, guam thukte, kuampite kiangah ka gen ding thute, Israel minamte in a ngaihna ding uh gen in. Mite in milim a biakna munte a vat gawp dingin namsau khat kong kuansak ding hi.

Kah la 1:10

A galte in a neih a lam khempeuh a laksak khin mang hi. Biakinnpi sungah lut uh a, Topa in Gentail-te a pai ding a phal lohna munah a lut uh a mu hi.

Jeremiah 12:12

Sehnel gam mual sang panin a susia dingte hong pai zo uh hi. Gam mong khat panin gam mong khat dongah a lungmuang kuamah om lo hi. Bang hang hiam cih leh Topaʼ namsau in mi khempeuh a vattuk hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a ding lai om nawn lo hi. Hih thu hangin Jakobʼ mawhna kimaisakin a mawhna kilak khiatsak hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

Late 78:58

Bang hang hiam cih leh amaute in a mun sangte uh tawh amah a sin so nadingin phinphin uh a, amauʼ milim bawlte tawh ama hazat nading a piangsak uh hi.

Jeremiah 20:5

Tua tham loin khuapi sunga hauhna khempeuh, a na sep sa uh khempeuh, a neih a lam a thupi teng khempeuh uh le Judah kumpiteʼ sumlepai khempeuhte a galteʼ khut sungah ka pia dinga, amaute in sutin, manin, Babylon khua ah a paipih ding uh hi.

Zefaniah 1:13

Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Jeremiah 21:13

Mualkuam zang pan kilaam to a, zanglei lak a suangtum bangin a sang to Jerusalem aw, Topa in kong cih in ah, na lang khat ah ka pang ding hi. Nangmah in, ‘Kua in kei hong sim suk dinga, ka omna ah kua hong lut ding ahi hiam?’ na ci hi.

Ezekiel 23:46

“Topa Pasian in hih bangin ci hi: Amaute lausak gawpin a nate uh a sut gawp dingin mihon khat paisak in.