Jeremiah 17:22 - Tedim Bible Revision 2017

²² Sabbath ni-in na inn uh ah bangmah sem kei un. Na pu na pate uh ka thupiak mah bangin Sabbath ni siangthosak un.

Tedim Bible

²² Sabbath ni-in na inn panun bangmah puakhia kei un la, bangmah sem kei un. Na pu na pate uh ka thupiak mah bangin sabbath ni siangthosak un.

Jeremiah 17:22 Referans Kwoze

Ezekiel 20:12

Topa ahi keimah in amaute pen mi siangtho-in ka bawlna thu a phawk nadingun koteʼ kikalah thukimna limin Sabbath tan ding thu ka pia hi.

Isaiah 58:13

Note in Sabbath siangthosakin, keima ni siangtho ni-in na nasepna panun khawlin Sabbath ni pen deihhuai sa-in, Topaʼ ni siangtho pen pahtawihuai na cih uh a, note in pahtawi-in noteʼ deih bang zui loin, noteʼ ut bang hi loin mot pau loin na om uh leh,

Paikhiatna 23:12

Ni guk sung na nasep uh na sem ding uh hi. Ahih hangin na bawngtal le na la in tawlngakna a neih theih nading le, na nasem numeiʼ tapa le khual mite in tha thak a ngah theih nadingin a ni sagih ni-in na tawlnga ding uh hi.

Mangmuhna 1:10

Topaʼ ni-in Kha Siangtho tawh kidimin ka om laitakin peengkul bangin a gingpha mahmah khat ka nung lamah ka za a,

Luka 23:56

Tua ciangin amaute ciah uh a, Jesuʼ luang a nuh dingun paknamtui le sathau a bawl khol uh hi. Thukham zui-in Sabbath ni tawlnga-in a om uh hi.

Luka 6:5

Tua ciangin Jesu in, “Mihing Tapa pen Sabbath ni a Ukpa ahi hi,” ci-in a thugen a khum hi.

Ezekiel 22:8

Mun siangthote zong zahtakna mel kinei loin, Sabbath-te zong kitang lo hi.

Siampi Laibu 23:3

Ni guk sungin nasep kizo dinga, ahih hangin a ni sagih ni pen a thupi tawlngakna Sabbath, a siangtho kikhopna ahi hi. Note in tua ni-in na na sem kei ding uh hi. Tua pen noteʼ teenna khempeuh ah Topa adingin Sabbath ahi hi.

Siampi Laibu 19:3

Note a kuamah peuh in na nu le na pa uh zahtakin, note in ka Sabbath-te na tang ding uh hi; kei pen Topa na Pasian uh ka hi hi.

Nehemiah 13:15

Tua hun lai-in Judah gam sungah mite in Sabbath ni-in leenggah sukin, a khawh sate uh khawmin late tungah suanin, leenggah, thei le van namkim, Sabbath ni-in Jerusalem ah hong puakna ka mu hi. Tua ni-in na a zuakna uh hangin ka lungkim lohna amaute tungah ka gen hi.

Jeremiah 17:24

“‘Ahih hangin Topa in kong cih in ah, note in ka thu nong ngaih uh a, Sabbath ni-in hih khua kongpite ah bangmah hong lutpih loin, Sabbath ni siangthosakin, na na sep kei uh leh,

Zekhariah 1:4

Na pu na pate uh bang nawn kei un. Nidang a kamsangte in amaute kiangah ka thu gen uh a, gamtat sia gamta loin, a mawh nawn loh nading hilh uh hi. Ahi zongin amaute in ka thu ngai nuam loin, ka thu hong mang lo uh hi.