Jeremiah 17:16 - Tedim Bible Revision 2017

¹⁶ Ahih hangin amaute tungah gimna na tunsak ding kong ngen kei a, siatna ni hong tun ding ka deihsak loh lam zong na hong thei hi. Ka kam panin a ging khia thu khempeuh na thei khin hi.

Tedim Bible

¹⁶ Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Jeremiah 17:16 Referans Kwoze

Sawltak 20:27

Bang hang hiam cih leh note tungah Pasianʼ thu kong gen loh khat zong om nawn lo hi.

Sawltak 20:20

Mihon lak ahi a, noteʼ inn sungah ahi zongin ka hong thuhilhna khempeuh ah noteʼ phattuam nading a om khempeuh siit nei loin kong gen khin hi.

Jeim 3:1

Sanggamte aw, mite tungah thu a hilh eite pen midangte sangin a khauh zaw-in thu hong kikhen ding ahih manin note tampi sia na suak nuam se kei un.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Jeremiah 20:9

Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Jeremiah 18:20

Hoihna pen siatna tawh a kituak ding mah ahi hiam? Keimah hong siahna-in gum a to uh hi. Nangma mai ah kong dinga, amau ading thuhoih kong gen hi. Na hehna amaute tungah na tunsak loh nadingin ka hong ngetnate hong phawk in.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kai khia inla, a kigawh ni hun ding a tun mateng tuam koih in.

Amos 5:10

Note in thukhen zumah thutang a deih pa na mudah uh a, thuman a gen pa na hua uh hi.

Jeremiah 15:15

Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin keiʼ sih nading piangsak kei in. Nangma hangin min siatna a thuak ka hih lam hong thei in.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hat zaw a, keimah nong zo hi. Nisimin miteʼ nuihsat lel ka suak a, mi khempeuh in kei hong zahko uh hi.